മുംബൈയുടെ വെല്ലുവിളി അതിജീവിച്ച് യുപി യോദ്ധ

യു-മുംബൈയുടെ അതി ശക്തമായ വെല്ലുവിളി അതിജീവിച്ച് വിജയം പിടിച്ചെടുത്ത് യുപി യോദ്ധ. ഇന്നലെ നടന്ന ആദ്യ മത്സരത്തില്‍ 34-32 എന്ന സ്കോറിനായിരുന്നു ടീമിന്റെ വിജയം. ഇടവേള സമയത്ത് 18-15നു യുപി മുന്നിലായിരുന്നു. മത്സരത്തിന്റെ ഒരു ഘട്ടത്തില്‍ മുംബൈയും യുപിയും ഒപ്പമെത്തിയെങ്കിലും നേരിയ ലീഡിനു മത്സരം സ്വന്തമാക്കുവാന്‍ യുപിയ്ക്ക് സാധിച്ചു.

മുംബൈ നിരയില്‍ പത്ത് പോയിന്റുമായി രോഹിത് ബലിയന്‍ തിളങ്ങിയപ്പോള്‍ അബോല്‍ഫസല്‍ മഗ്സോദ്ലു അഞ്ച് പോയിന്റ് നേടി. യുപി നിരയില്‍ 8 പോയിന്റ് നേടി പ്രശാന്ത് കുമാര്‍ റായ്ക്കൊപ്പം ഋഷാംഗ് ദേവഡിഗ, സച്ചിന്‍ കുമാര്‍ എന്നിവര്‍ ഏഴ് വീതം പോയിന്റ് നേടി ടീമിനെ വിജയത്തിലേക്ക് നയിച്ചു.

പ്രതിരോധത്തിലും(13-12) റെയിഡിംഗിലും(19-17) നേരിയ ലീഡ് കരസ്ഥമാക്കുവാന്‍ യുപിയ്ക്ക് സാധിച്ചിരുന്നു. ഇരു ടീമുകളും മത്സരത്തില്‍ ഓരോ തവണ ഓള്‍ഔട്ട് ആവുകയും ചെയ്തു. ഒരു അധിക പോയിന്റ് മത്സരത്തില്‍ നിന്ന് മുംബൈ നേടി.