യുപിയെ തകര്‍ത്ത് മുംബൈ, വിജയം 17 പോയിന്റിനു

- Advertisement -

17 പോയിന്റിന്റെ കൂറ്റന്‍ വിജയം സ്വന്തമാക്കി യുമുംബ. ഇന്ന് നടന്ന രണ്ടാം മത്സരത്തില്‍ യുപി യോദ്ധയെ 41-24 എന്ന സ്കോറിനാണ് മുംബൈ കെട്ടുകെട്ടിച്ചത്. ആദ്യ പകുതിയ അവസാനിക്കുമ്പോള്‍ പിന്നില്‍ നിന്ന് കയറി വന്ന് 15-14ന്റെ ലീഡ് മുംബൈ കൈവശപ്പെടുത്തുകയായിരുന്നു. ആദ്യ പകുതി അവസാനിക്കുവാന്‍ മിനുട്ടുകള്‍ ശേഷിക്കെ ലീഡ് യുപിയ്ക്കായിരുന്നുവെങ്കിലും പിന്നീട് മത്സരം മാറി മറിയുകയായിരുന്നു.

7 പോയിന്റ് വീതം നേടി സിദ്ധാര്‍ത്ഥ് ദേശായി, സുരേന്ദര്‍ സിംഗ്, ദര്‍ശന്‍ കഡിയന്‍ എന്നിവര്‍ക്കൊപ്പം ഫസല്‍ അത്രച്ചാലിയും ആറ് പോയിന്റുമായി മുംബൈ നിരയില്‍ തിളങ്ങി. 5 വീതം പോയിന്റ് നേടിയ നരേന്ദറും സച്ചിന്‍ കുമാറുമാണ് യുപിയുടെ ടോപ് സ്കോറര്‍മാര്‍. ശ്രീകാന്ത് ജാഥവ് 4 പോയിന്റ് കരസ്ഥമാക്കി.

15-10നു റെയിഡിംഗിലും 18-13നു പ്രതിരോധത്തിലും മുന്നിട്ട് നിന്ന മുംബൈ മൂന്ന് തവണ യുപിയെ ഓള്‍ഔട്ട് ആക്കി. അധിക പോയിന്റില്‍ 2-1ന്റെ ലീഡും മുംബൈ കരസ്ഥമാക്കിയിരുന്നു.

Advertisement