പ്രൊകബഡി ലീഗിൽ ഇന്ന് നടന്ന മത്സരങ്ങളിൽ ജയ്പൂര്‍ പിങ്ക് പാന്തേഴ്സിനും ദബാംഗ് ഡൽഹി കെസിയ്ക്കും വിജയം. ഇന്ന് നടന്ന ആദ്യ മത്സരത്തിൽ 25-18 എന്ന സ്കോറിനായിരുന്നു ജയ്പൂരിന്റെ വിജയം. പകുതി സമയത്ത് വിജയികള്‍ 12-9ന് മുന്നിലായിരുന്നു.
രണ്ടാം മത്സരത്തിൽ 46-26 എന്ന സ്കോറിന് തെലുഗു ടൈറ്റന്‍സിനെ ദബാംഗ് ഡൽഹി പരാജയപ്പെടുത്തുകയായിരുന്നു. 20 പോയിന്റെ വലിയ വിജയത്തോടെ നാലാം ജയം ആണ് ഡൽഹി സ്വന്തമാക്കിയത്.
10 പോയിന്റുമായി വിനയ് തെലുഗു ടൈറ്റന്‍സിനായി തിളങ്ങിയപ്പോള്‍ 12 പോയിന്റുമായി നവീന്‍ കുമാര്‍ വിജയികള്‍ക്കായി തിളങ്ങി. മഞ്ജീത്ത് 9 പോയിന്റും ടീമിനായി സ്വന്തമാക്കി.
