ടൊയോട്ട തായ്‍ലാന്‍ഡ് ഓപ്പണ്‍ ആദ്യ റൗണ്ടില്‍ വിജയിച്ച് ഇന്ത്യയുടെ പിവി സിന്ധുവും ശ്രീകാന്ത് കിഡംബിയും. ഇന്ന് നടന്ന മത്സരങ്ങളില്‍ തായ്‍ലാന്‍ഡ് താരങ്ങളെയാണ് ഇരുവരും പരാജയപ്പെടുത്തിയത്. ഇരു താരങ്ങളുടെയും വിജയം നേരിട്ടുള്ള ഗെയിമുകളിലായിരുന്നു.
സിന്ധു 21-17, 21-13 എന്ന സ്കോറിന് 43 മിനുട്ടില്‍ തായ്‍ലാന്‍ഡിന്റെ ബുസാനനെ പരാജയപ്പെടുത്തിയപ്പോള്‍ കിഡംബി തായ്‍ലാന്‍ഡ് താരം സിത്തിക്കോമിനെ 21-11, 21-11 എന്ന സ്കോറിന് 38 മിനുട്ടില്‍ പരാജയപ്പെടുത്തി.
മിക്സഡ് ഡബിള്‍സില്‍ ഇന്ത്യയുടെ സാത്വിക്സായിരാജ് റാങ്കിറെഡ്ഡി-അശ്വിനി പൊന്നപ്പ കൂട്ടുകെട്ട് നേരിട്ടുള്ള ഗെയിമുകളില്‍ ഡെന്മാര്‍ക്കിന്റെ നിക്ലാസ്-അമേലിയ ജോഡിയെ പരാജയപ്പെടുത്തുകയായിരുന്നു. 40 മിനുട്ടിലാണ് ഇന്ത്യന്‍ കൂട്ടുകെട്ടിന്റെ വിജയം.
കഴിഞ്ഞാഴ്ച നടന്ന യോനക്സ് തായ്‍ലാന്‍ഡ് ഓപ്പണില്‍ ഇന്ത്യന്‍ താരങ്ങള്‍ക്ക് ആദ്യ റൗണ്ടുകളില്‍ തന്നെ തിരിച്ചടി നേരിട്ടിരുന്നു.
