കാലിടറി കിഡംബി, മൊമോട്ടയോട് പരാജയപ്പെടുന്നത് ആറാം തവണ

- Advertisement -

മൊമോട്ടോയുടെ കടമ്പ കടക്കാനാകാതെ കിഡംബി. തുടര്‍ച്ചയായ ആറാം തവണയാണ് ഇരു താരങ്ങളും ഏറ്റുമുട്ടിയപ്പോള്‍ തോല്‍വിയേറ്റു വാങ്ങി കിഡംബി മടങ്ങിയത്. ഡെന്മാര്‍ക്ക് ഓപ്പണിന്റെ സെമി ഫൈനലിലാണ് നേരിട്ടുള്ള ഗെയിമില്‍ ഇന്ത്യന്‍ താരം പരാജയപ്പെട്ടത്. നിലവിലെ ചാമ്പ്യനായ മൊമോട്ടയോട് പലപ്പോഴും നീണ്ട റാലികള്‍ക്ക് ശേഷം പോയിന്റ് നേടാനാകാതെ കിഡംബി പിഴവുകള്‍ വരുത്തുന്ന കാഴ്ചയാണ് മത്സരത്തിലുടനീളം കാണുവാന്‍ സാധിച്ചത്. 29 ഷോട്ടുകള്‍ നീണ്ട റാലിയാണ് മത്സരത്തിലെ എറ്റവും വലിയ റാലി. നീണ്ട റാലികളില്‍ ശ്രീകാന്തിന്റെ ബാക്ക് ഹാന്‍ഡിനെ കടന്നാക്രമിച്ചാണ് കെന്റോ പലപ്പോഴും പോയിന്റുകള്‍ നേടിയത്. ഒപ്പം പിഴവുകള്‍ വരുത്തി ശ്രീകാന്ത് കാര്യങ്ങള്‍ മൊമോട്ടോയ്ക്ക് എളുപ്പമാക്കുകയായിരുന്നു.

ആദ്യ ഗെയിം 21-16നു വിജയിച്ച ജപ്പാന്‍ താരം രണ്ടാം ഗെയിമില്‍ തിരിച്ചുവരവിനു യാതൊരുവിധ അവസരവും നല്‍കാതെ 21-16, 21-12 എന്ന സ്കോറിനു പരാജയപ്പെടുത്തി. ടൂര്‍ണ്ണമെന്റിലെ നിലവിലെ ചാമ്പ്യനാണ് ശ്രീകാന്ത് കിഡംബി. ഇതാദ്യമായാണ് മൊമോട്ട ഡെന്മാര്‍ക്ക് ഓപ്പണിന്റെ ഫൈനലിലെത്തുന്നത്.

Advertisement