സൈനയ്ക്ക് ജയം, സമീറിനും ഡബിള്‍സ് ടീമുകള്‍ക്കും പരാജയം

ഓള്‍ ഇംഗ്ലണ്ട് ഓപ്പണ്‍ ബാഡ്മിന്റണില്‍ ഇന്ത്യയ്ക്ക് സമ്മിശ്ര ഫലങ്ങള്‍. വനിത സിംഗിള്‍സില്‍ സൈന നെഹ്‍വാല്‍ ആദ്യ റൗണ്ടില്‍ വിജയം കുറിച്ചപ്പോള്‍ പുരുഷ സിംഗിള്‍സിലും ഡബിള്‍സിലും മിക്സഡ് ഡബിള്‍സിലും ഇന്ത്യയ്ക്ക് തോല്‍വിയായിരുന്നു ഫലം. ബ്രിട്ടന്റെ കിര്‍സ്റ്റി ഗില്‍മോറിനെയാണ് സൈന നേരിട്ടുള്ള ഗെയിമുകളില്‍ പരാജയപ്പെടുത്തിയത്. സ്കോര്‍ 21-17, 21-18.

അതേ സമയം സമീര്‍ വര്‍മ്മ ഡെന്മാര്‍ക്കിന്റെ വിക്ടര്‍ അക്സെല്‍സെന്നിനോട് മൂന്ന് ഗെയിം പോരാട്ടത്തിലാണ് പരാജയമേറ്റു വാങ്ങിയത്. ആദ്യ ഗെയിം 21-16നു ജയിച്ചുവെങ്കിലും അടുത്ത രണ്ട് ഗെയിമും സമീര്‍ കൈവിട്ടു. സ്കോര്‍: 21-16, 18-21, 14-21.

പുരുഷ ഡബിള്‍സില്‍ മൂന്ന് ഗെയിം പോരാട്ടത്തില്‍ ഇന്ത്യയുടെ മനു അട്രി-സുമീത് റെഡ്ഢി കൂട്ടുകെട്ട് ചൈനീസ് താരങ്ങളോട് 19-21, 21-16, 14-21 എന്ന സ്കോറിനു കീഴടങ്ങിയപ്പോള്‍ മിക്സഡ് ഡബിള്‍സ് കൂട്ടുകെട്ടായ പ്രണവ് ജെറി ചോപ്ര-സിക്കി റെഡ്ഢി കൂട്ടുകെട്ട് നേരിട്ടുള്ള ഗെയിമുകളില്‍ ഹോങ്കോംഗിന്റെ ടീമിനോടാണ് പരാജയപ്പെട്ടത്. സ്കോര്‍: 23-21, 21-17.