ബാഡ്മിന്റൺ ലോക ചാമ്പ്യന്‍ഷിപ്പിന്റെ സെമി ഫൈനലിൽ കടന്ന് ഇന്ത്യയുടെ എച്ച് എസ് പ്രണോയ്. മൂന്ന് ഗെയിം പോരാട്ടത്തിൽ ലോക ചാമ്പ്യനും ഒളിമ്പിക്സ് ചാമ്പ്യനുമായി വിക്ടര്‍ അക്സെൽസെന്നിനെ 2-1 എന്ന സ്കോറിനാണ് വിജയം കൈവരിച്ചത്. ആദ്യ ഗെയിം നഷ്ടമായ ശേഷം ശക്തമായ തിരിച്ചുവരവാണ് പ്രണോയ് നടത്തിയത്.
ആദ്യ ഗെയിം 13-21 എന്ന സ്കോറിന് പ്രണോയ് പരാജയപ്പെട്ടപ്പോള്‍ രണ്ടാം ഗെയിമിൽ പ്രണോയ് ശക്തമായ തിരിച്ചുവരവ് നടത്തി 21-15ന് ഗെയിം പ്രണോയ് സ്വന്തമാക്കി. രണ്ടാം ഗെയിമിന്റെ ഇടവേള സമയത്ത് 11-9ന്റെ നേരിയ ലീഡ് മാത്രമാണ് പ്രണോയിയ്ക്ക് ഉണ്ടായിരുന്നതെങ്കിലും അതിന് ശേഷം താരം അതിശക്തമായ പ്രകടനമാണ് പുറത്തെടുത്തത്.
മൂന്നാം ഗെയിമില്‍ ഇടവേള സമയത്ത് 11-6ന് പ്രണോയ് ആയിരുന്നു മുന്നിൽ. ഒടുവിൽ ഗെയിം 21-16ന് പ്രണോയ് സ്വന്തമാക്കി സെമിയിലേക്ക് പ്രവേശിച്ചു. വിജയത്തോടെ പ്രണോയിയ്ക്ക് മെഡൽ ഉറപ്പായി.
സ്കോര്‍: 13-21, 21-15, 21-16
