സമീര്‍ വര്‍മ്മയെ വീഴ്ത്തി സെമിയില്‍ കടന്ന് ശ്രീകാന്ത് കിഡംബി

- Advertisement -

മാരത്തണ്‍ ക്വാര്‍ട്ടര്‍ ഫൈനല്‍ മത്സരത്തില്‍ സഹ ഇന്ത്യന്‍ താരം സമീര്‍ വര്‍മ്മയെ കീഴടക്കി ഡെന്മാര്‍ക്ക് ഓപ്പണിന്റെ സെമി ഫൈനലില്‍ കടന്ന് ശ്രീകാന്ത് കിഡംബി. 77 മിനുട്ട് നീണ്ട് മത്സരത്തിനൊടുവില്‍ മൂന്ന് ഗെയിം പോരാട്ടത്തിലാണ് ശ്രീകാന്തിന്റെ വിജയം. മൂന്ന് ഗെയിമിലും ഇരു താരങ്ങളും ഒപ്പത്തിനൊപ്പമാണ് പോരാടിയത്. ആദ്യ ഗെയിം 22-20നു ശ്രീകാന്ത് ജയിച്ചപ്പോള്‍ സമീര്‍ വര്‍മ്മ രണ്ടാം ഗെയിം 19-21നു സ്വന്തമാക്കി. മൂന്നാം ഗെയിമിലും ശ്രീകാന്തിനെ അവസാന നിമിഷം വരെ വെള്ളംകുടിപ്പിച്ചാണ് സമിര്‍ കീഴടങ്ങിയത്.

സ്കോര്‍: 22-20, 19-21, 23-21. സെമിയില്‍ ജപ്പാന്റെ ലോക ഒന്നാം നമ്പര്‍ താരം കെന്റോ മൊമോട്ടയാണ് ശ്രീകാന്തിന്റെ എതിരാളി. കഴിഞ്ഞ അഞ്ച് തവണ ഇരുവരും ഏറ്റുമുട്ടിയപ്പോളും വിജയം ജാപ്പനീസ് താരത്തിനൊപ്പമായിരുന്നു.

Advertisement