ചൈനയുടെ ലോക മൂന്നാം നമ്പര്‍ താരങ്ങളും മുന്‍ ലോക ചാമ്പ്യന്മാരുമായ യൂചെന്‍/ജൂന്‍ഹൂയി കൂട്ടുകെട്ടിനെ നേരിട്ടുള്ള ഗെയിമില്‍ കീഴടക്കി ഇന്ത്യയുടെ പുരുഷ ഡബിള്‍സ് കൂട്ടുകെട്ടായ സാത്വിക്സായിരാജ് – ചിരാഗ് ഷെട്ടി കൂട്ടുകെട്ട്. ഇന്ന് നടന്ന ക്വാര്‍ട്ടര്‍ ഫൈനല്‍ മത്സരത്തില്‍ 43 മിനുട്ട് നീണ്ട ആവേശകരമായ പോരാട്ടത്തിലാണ് ഇന്ത്യയുടെ വിജയം. 21-19, 21-15 എന്ന സ്കോറിനായിരുന്നു ഇന്ത്യന്‍ കൂട്ടുകെട്ടിന്റെ ജയം.
തുടര്‍ച്ചയായ രണ്ടാം തവണയാണ് ഈ ചൈനീസ് കൂട്ടുകെട്ടിനോട് ഇന്ത്യന്‍ താരങ്ങളുടെ വിജയം.
