പാരീസ് ഒളിമ്പിക്സിൽ റീതിക ഹൂഡ ക്വാർട്ടർ ഫൈനലിൽ പുറത്ത്. ഇന്ന് 76 കിലോഗ്രാം ഗുസ്തിയിൽ ക്വാർട്ടറിൽ ഒന്നാം സീഡായ മീഡറ്റ് കിസിയെ ആണ് റീതികയെ തോൽപ്പിച്ചത്. പൊരുതി നിന്ന റീതിക 1-1 എന്ന സ്കോറിൽ പിടിച്ചു എങ്കിലും കൗണ്ട് ബാക്ക് റൂളിൽ റീതിക തോൽക്കുക ആയിരുന്നു
ആദ്യ റൗണ്ടിൽ ഹംഗറി താരം ബെർനാഡറ്റ് നാഗിയെ ആയിരുന്നു റീതിക തോൽപ്പിച്ചത്. 12-2 എന്ന സ്കോറിനായിരുന്നു റിതികയുടെ വിജയം. ഇനി നാളെ റെപഷാസിൽ റീതികയ്ക്ക് ചിലപ്പോൾ പ്രതീക്ഷ ഉണ്ടാകും.
കഴിഞ്ഞ വർഷം അണ്ടർ 23 ലോക ചാമ്പ്യൻഷിപ്പിൽ റീതിക സ്വർണ്ണം നേടിയിരുന്നു. നേരത്തെ ഏഷ്യൻ ചാമ്പ്യൻഷിപ്പിൽ വെങ്കലവും റീതിക നേടിയിട്ടുണ്ട്.
