ഫോർമുല 1 ബ്രിട്ടീഷ് ഗ്രാന്റ് പ്രീയിൽ ജയം കണ്ടു ലൂയിസ് ഹാമിൾട്ടൻ. കരിയറിലെ 104 മത്തെ ഗ്രാന്റ് പ്രീ ജയം ആണ് മെഴ്‌സിഡസ് ഡ്രൈവർ ഇന്ന് കുറിച്ചത്. 945 ദിവസങ്ങൾക്ക് ശേഷമുള്ള ബ്രിട്ടീഷ് താരത്തിന്റെ ആദ്യ റേസ് ജയം ആണ് ഇത്. ബ്രിട്ടനിൽ ഒമ്പതാം ജയം കുറിച്ച ഹാമിൾട്ടൻ ഒരു സർക്യൂട്ടിൽ ഏറ്റവും അധികം ജയങ്ങൾ നേടുന്ന നേട്ടത്തിൽ ശുമാർക്കറിന്റെ റെക്കോർഡും മറികടന്നു.
300 ൽ അധികം റേസുകളിൽ പങ്കെടുത്ത ശേഷം ഒരു റേസ് ജയം നേടുന്ന ആദ്യ ഡ്രൈവർ കൂടിയാണ് ഹാമിൾട്ടൻ. നിലവിലെ ലോക ചാമ്പ്യനും നിലവിൽ ഒന്നാം സ്ഥാനത്തും ഉള്ള റെഡ് ബുൾ ഡ്രൈവർ മാക്‌സ് വെർസ്റ്റാപ്പൻ രണ്ടാമത് എത്തിയപ്പോൾ മറ്റൊരു ബ്രിട്ടീഷ് ഡ്രൈവർ ആയ മക്ലാരന്റെ ലാന്റോ നോറിസ് മൂന്നാമത് എത്തി. അടുത്ത സീസണിൽ ഫെറാറിയിലേക്ക് മാറുന്ന ഹാമിൾട്ടന്റെ മെഴ്‌സിഡസിലെ അവസാന സീസൺ കൂടിയാണ് ഇത്.
