വെസ്റ്റ് ഹാം അവരുടെ അഞ്ചാമത്തെ സമ്മർ സൈനിംഗ് പൂർത്തിയാക്കി. ബേൺലി വിംഗർ മാക്സ്വെൽ കോർനെറ്റിന്റെ സൈനിംഗ് ആണ് ക്ലബ് ഇന്ന് സ്ഥിരീകരിച്ചത്‌. കോർനെറ്റിന്റെ 17.5 മില്യൺ പൗണ്ട് റിലീസ് ക്ലോസ് നൽകിയാണ് ഹാമേഴ്‌സ് താരത്തെ സൈൻ ചെയ്തത്‌. ബേർൺലി റിലഗേറ്റ് ആയത് കൊണ്ടാണ് താരം ക്ലബ് വിടാൻ തയ്യാറായത്. 2027 വരെയുള്ള കരാർ താരം ക്ലബിൽ ഒപ്പുവെച്ചു.
കഴിഞ്ഞ വേനൽക്കാലത്ത് ഫ്രഞ്ച് ടീമായ ലിയോണിൽ നിന്ന് 15 മില്യൺ യൂറോയുടെ ഒരു ഇടപാടിൽ ആയിരുന്നു കോർനെറ്റ് ബേൺലിയിൽ ചേർന്നത്. കഴിഞ്ഞ സീസണിൽ ബേർൺലിക്കായി നല്ല പ്രകടനം നടത്തിയ അപൂർവ്വം താരങ്ങളിൽ ഒരാളായിരുന്നു മാക്സ്വെൽ. ഒമ്പത് പ്രീമിയർ ലീഗ് ഗോളുകൾ താരം നേടിയിരുന്നു.
Story Highlight: West Ham have signed Maxwel Cornet.
