മാഞ്ചസ്റ്റർ സിറ്റി വിങ്ങർ റിയാദ് മഹ്റസിനായും സൗദിയിൽ നിന്ന് ഓഫർ. സൗദി ക്ലബായ അൽ അഹ്ലി ആണ് മഹ്റസിനായി രംഗത്ത് വന്നിരിക്കുന്നത്. 50 മില്യണോളം പോന്ന ഓഫർ ആണ് മഹ്റസിനായും വന്നിരിക്കുന്നത്. എന്നാൽ മാഞ്ചസ്റ്റർ സിറ്റിയിൽ ഇനിയും കരാർ ബാക്കി ഉള്ളതിനാൽ സിറ്റി സമ്മതിച്ചാൽ മാത്രമെ മഹ്റസിന് ക്ലബ് വിടാൻ ആകൂ. സിറ്റി ഒരു ട്രാൻസ്ഫർ തുക അൽ അഹ്ലിയിൽ നിന്ന് പ്രതീക്ഷിക്കുന്നുണ്ട്.
ലെസ്റ്റർ സിറ്റിയിൽ നിന്ന് എത്തിയത് മുതൽ മാഞ്ചസ്റ്റർ സിറ്റിയുടെ പ്രധാന താരമാണ് മഹ്റസ്. എങ്കിലും കഴിഞ്ഞ സമ്മറിൽ ഉൾപ്പെടെ മഹ്റസ് ക്ലബ് വിടാൻ ശ്രമിച്ചിട്ടുണ്ട്.2025 വരെയുള്ള കരാർ ആണ് മഹ്റ്സിന് സിറ്റിയിൽ ഉള്ളത്. 32കാരനായ മഹ്റസ് മാഞ്ചസ്റ്റർ സിറ്റിക്ക് ഒപ്പം പ്രീമിയർ ലീഗ് നാലു കിരീടങ്ങളും ലെസ്റ്റർ സിറ്റിക്ക് ഒപ്പം ഒരു ലീഗ് കിരീടവും നേടിയിട്ടുണ്ട്.
