നോട്ടിങ്ഹാം ഫോറസ്റ്റിലേക്ക് പോവില്ലെന്നു തീരുമാനിച്ചു ആഴ്‌സണലിന്റെ ഇംഗ്ലീഷ് മുന്നേറ്റനിര താരം എഡി എങ്കെതിയ. താരത്തെ വിൽക്കാൻ 30 മില്യൺ പൗണ്ടിന്റെ ഫോറസ്റ്റ് മുന്നോട്ട് വെച്ച കരാർ ആഴ്‌സണൽ സ്വീകരിച്ചു എങ്കിലും താരവും ആയി ധാരണയിൽ എത്താൻ ഫോറസ്റ്റിന് ആയില്ല. വേതന വ്യവസ്ഥയിലെ വിയോജിപ്പിനെ തുടർന്ന് ആണ് എഡി ഫോറസ്റ്റിലേക്ക് പോവില്ല എന്നു തീരുമാനിച്ചത് എന്നാണ് റിപ്പോർട്ട്.
എങ്കിലും ട്രാൻസ്ഫർ ജാലകത്തിന്റെ അവസാന ആഴ്ച താരത്തെ വിൽക്കാൻ തന്നെയാണ് ആഴ്‌സണൽ ശ്രമം. താരത്തിന് ആയി നിലവിൽ താരവും ആയി മുമ്പ് ചർച്ച നടത്തിയ ക്രിസ്റ്റൽ പാലസ് രംഗത്ത് വന്നു എന്നാണ് സൂചന. നിലവിൽ താരത്തെ ലോണിൽ എത്തിച്ചു പിന്നീട് സ്വന്തമാക്കാൻ ആണ് പാലസ് ശ്രമം എന്നാണ് റിപ്പോർട്ട്. എന്നാൽ 25 കാരനായ താരത്തെ സ്ഥിരമായി വിൽക്കാൻ തന്നെയാണ് ആഴ്‌സണൽ ശ്രമം. താരത്തിനു ആയി നേരത്തെ മാഴ്‌സ വെച്ച ഓഫർ ആഴ്‌സണൽ നിരസിച്ചിരുന്നു.
