അയാക്സ് താരം മുഹമ്മദ് കദുസ് ബ്രൈറ്റണിലേക്ക് അടുക്കുന്നു. പ്രീമിയർ ലീഗിലെ പല വൻ ക്ലബുകളും താരത്തിനായി ശ്രമിച്ചിരുന്നു എങ്കിലും ഇപ്പോൾ അയാക്സും ബ്രൈറ്റണും തമ്മിൽ താരത്തെ വിൽക്കാൻ കരാർ ധാരണയിൽ ആയിരിക്കുകയാണ്. 40 മില്യൺ ആകും ട്രാൻസ്ഫർ തുക. ഇനി കുദുസ് ബ്രൈറ്റണുമായി ധാരണയിൽ എത്തിയാൽ ഈ ട്രാൻസ്ഫർ പൂർത്തിയാകും.
നേരത്തെ ചെൽസിയും ലിവർപൂളും എല്ലാം താരത്തിനായി രംഗത്ത് ഉണ്ടായിരുന്നു. അയാക്സ് ജേഴ്‌സിയിലും ലോകകപ്പിൽ ഘാനക്ക് വേണ്ടിയും മിന്നുന്ന പ്രകടനം പുറത്തെടുത്ത താരമാണ് കുദുസ്. അറ്റാക്കിങ് മിഡ്ഫീൽഡർ സ്ഥാനത്ത് കളിക്കുന്ന ഗോൾ കണ്ടെത്താനും മിടുക്കനാണ്.
മധ്യനിരയിൽ മാക് അലിസ്റ്ററിനെ നഷ്ടമായ ശേഷം ഈ സ്ഥാനത്തേക്ക് മികച്ച താരങ്ങളെ എത്തിക്കാൻ ബ്രൈറ്റൺ ശ്രമിക്കുകയാണ്‌. നിലവിൽ 2025 വരെയാണ് താരത്തിന് അയാക്സിൽ കരാർ ഉള്ളത്. ടീമിന്റെ പുതിയ കരാർ താരം മാസങ്ങൾക്ക് മുൻപേ തള്ളിയിരുന്നു.
