മാഞ്ചസ്റ്റർ യുണൈറ്റഡിൽ നിന്ന് ലോണിൽ ലാലിഗയിൽ കളിക്കുന്ന മേസൺ ഗ്രീൻവുഡിനെ സ്വന്തമാക്കാൻ ബാഴ്സലോണ ശ്രമിക്കുന്നുണ്ട് എന്ന വാർത്തകൾ നിഷേധിച്ച് ഫബ്രിസിയോ റൊമാനോ. ഗ്രീന്വുഡ് ബാഴ്സലോണയുടെ ടാർഗറ്റ് അല്ല എന്ന് ഫബ്രിസിയോ പറഞ്ഞു. ബാഴ്സലോണ ഫോർവേഡായി വേറെ താരങ്ങളെയാണ് ഇപ്പോൾ നോക്കുന്നത് എന്നും അദ്ദേഹം ട്വീറ്റ് ചെയ്തു.
ലാലിഗ ക്ലബായ ഗെറ്റഫെക്ക് വേണ്ടിയാണ് ഗ്രീന്വിഡ് ഇപ്പോൾ കളിക്കുന്നത്. താരം അവിടെ നല്ല പ്രകടനം നടത്തുന്നുണ്ട്. മാഞ്ചസ്റ്റർ യുണൈറ്റഡ് ഇപ്പോഴും താരത്തിന്റെ ഭാവിയുടെ കാര്യത്തിൽ തീരുമാനം എടുത്തിട്ടില്ല. നല്ല ഓഫർ ലഭിക്കുക ആണെങ്കിൽ ഗ്രീൻവുഡിനെ വിൽക്കാൻ തന്നെയാകും മാഞ്ചസ്റ്റർ യുണൈറ്റഡ് ശ്രമിക്കുക. പുതിയ ക്ലബ് ഉടമകൾ ഗ്രീൻവുഡിനെ ക്ലബിൽ നിലനിർത്താനുള്ള സാധ്യതകളും ആലോചിക്കുന്നുണ്ട്.
തന്റെ കാമുകിയെ ആക്രമിച്ചതിന് അറസ്റ്റിലായതിന് ശേഷ ഗ്രീൻവുഡ് മാഞ്ചസ്റ്റർ യുണൈറ്റഡിനായി കളിച്ചിട്ടില്ല. അതിനു മുമ്പ് മാഞ്ചസ്റ്റർ യുണൈറ്റഡിനായി 81 മത്സരങ്ങൾ കളിച്ചിട്ടുള്ള താരം 22 ഗോളുകൾ ക്ലബിനായി നേടിയിരുന്നു.
