ഡച്ച് താരം മെംഫിസ് ഡിപായ് അത്ലറ്റിക്കോ മാഡ്രിഡ് വിടും. ഡിപായുടെ കരാർ അത്ലറ്റിക്കോ മാഡ്രിഡ് പുതുക്കില്ല എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു. ഫ്രീ ഏജന്റായാകും താരം ക്ലബ് വിടുക. അവസാന രണ്ടു വർഷമായി ഡിപായ് അത്ലറ്റിക്കോ മാഡ്രിഡിനായി കളിക്കുന്നുണ്ട്. പക്ഷെ ഈ സീസണിൽ കാര്യമായി തിളങ്ങാൻ താരത്തിനായില്ല. അഞ്ചു ഗോളുകൾ മാത്രമാണ് താരം ഈ സീസൺ ലാലിഗയിൽ നേടിയത്.
ഡിപായ് അടുത്ത സീസണിലും യൂറോപ്പിൽ തന്നെ കളിക്കാൻ ആകും ആഗ്രഹിക്കുന്നത്. 30കാരനായ ഡിപായ് മുമ്പ് ബാഴ്സലോണ, ലിയോൺ, മാഞ്ചസ്റ്റർ യുണൈറ്റഡ് എന്നീ ക്ലബുകൾക്ക് ആയി കളിച്ചിട്ടുണ്ട്. ലിയോണിൽ ആയിരുന്നു മെംഫിസ് ഏറ്റവും നന്നായി കളിച്ചത്. മാഞ്ചസ്റ്റർ യുണൈറ്റഡിലും ബാഴ്സലോണയിലും അത്ര നല്ല പ്രകടനം ഡിപായിൽ നിന്ന് കാണാൻ ആയിരുന്നില്ല.
