വൈനാൾഡം ഇനി റോമിൽ, പി എസ് ജിയും റോമയും തമ്മിൽ ധാരണ | AS Roma have reached a deal with PSG over Gini Wijnaldum

കഴിഞ്ഞ വേനൽക്കാലത്ത് പാരീസ് സെന്റ് ജെർമെയ്‌നിലേക്ക് എത്തിയ ഡച്ച് താരം വൈനാൽഡം ഒറ്റ സീസൺ കൊണ്ട് ക്ലബ് വിടുകയാണ്. ഡച്ചുകാരൻ പ്രതീക്ഷിച്ചതുപോലെ കാര്യങ്ങൾ നടക്കാാത്തത് ആണ് താരം ക്ലബ് വിടാൻ ശ്രമിക്കാൻ കാരണം. 31കാരനായ മിഡ്‌ഫീൽഡർ സീരി എയിലേക്കാണ് പോലുന്നത്. റോമ താരത്തെ സ്വന്തമാക്കാൻ പി എസ് ജിയുമായി ധാരണയിൽ എത്തി കഴിഞ്ഞു. ഒരു വർഷത്തെ ലോൺ കരാറിൽ ആകും ആദ്യം വൈനാൾഡം റോമയിൽ എത്തുക. പിന്നീട് റോമ സ്ഥിര കരാറിൽ താരത്തെ വാങ്ങും.

പി എസ് ജിയിൽ എത്തിയിട്ട് ആകെ 20ൽ താഴെ മത്സരങ്ങളിൽ മാത്രമെ താരം സ്റ്റാർട്ട് ചെയ്തിരുന്നുള്ളൂ. കഴിഞ്ഞ സീസണ ബാഴ്സലോണയുടെ ഓഫർ നിരസിച്ചായിരുന്നു താരം പി എസ് ജിയിലേക്ക് പോയത്‌. എന്നിട്ടും അവസരം ലഭിക്കുന്നില്ല എന്നത് ക്ലബും വൈനാൽഡവും തമ്മിൽ അകലാൻ കാരണമായി. ലോകകപ്പ് മുന്നിൽ ഉള്ളത് കൊണ്ട് തന്നെ കൂടുതൽ അവസരങ്ങൾ കിട്ടേണ്ടതുണ്ട് എന്നതും വൈനാൾഡത്തെ ക്ലബ് വിടാൻ നിർവന്ധിതനാക്കി.

Story Highlights: AS Roma have reached FULL AGREEMENT with PSG over the signing of Gini Wijnaldum.