പോൾ പോഗ്ബക്ക് പിന്നാലെ മുൻ മാഞ്ചസ്റ്റർ സിറ്റി താരം ഡേവിഡ് സിൽവക്കും കോവിഡ് പോസിറ്റീവ്. താരത്തിന്റെ പുതിയ ക്ലബ്ബ് റയൽ സോസിഡഡ് ആണ് ഇക്കാര്യം ഔദ്യോഗികമായി പ്രഖ്യാപിച്ചത്. 34 വയസുകാരനായ സ്പാനിഷ് ദേശീയ താരം സിറ്റിയുമായുള്ള ബന്ധം അവസാനിപ്പിച്ചു ഫ്രീ ട്രാൻസ്ഫറിലാണ് സ്വന്തം നാട്ടിലെ ക്ലബ്ബിൽ ചേർന്നത്.
സിൽവ രോഗ ലക്ഷണങ്ങൾ ഒന്നും കാണിക്കുന്നില്ല എങ്കിലും താരം സെൽഫ് ഐസൊലേഷനിൽ ആണ് ഉള്ളത്. ഇതോടെ താരത്തിന് പ്രീ സീസണും സീസൺ തുടക്കവും നഷ്ടപെടാനാണ് സാധ്യത. 2010 ലോകകപ്പും 2012 യൂറോയും അടക്കം നേടിയ സിൽവ തന്റെ കാലയളവിലെ ഏറ്റവും മികച്ച മധ്യനിര കളിക്കാരിൽ ഒരാളായാണ് അറിയപ്പെടുന്നത്. താരത്തിന്റെ കരിയർ ഓർമിക്കാൻ സ്റ്റേഡിയത്തിന് പുറത്ത് പ്രതിമ നിർമിക്കാൻ ഒരുങ്ങുകയാണ് മാഞ്ചസ്റ്റർ സിറ്റി.
