വണ്ടൂർ അഖിലേന്ത്യാ സെവൻസിൽ അൽ മദീന ചെർപ്പുളശ്ശേരിക്ക് മികച്ച വിജയം. അൽ മദീന ഇന്ന് എ വൈ സി ഉച്ചാരക്കടവിനെ ആണ് തോല്പ്പിച്ചത്. ഒന്നിനെതിരെ മൂന്നു ഗോളുകൾക്ക് ആയിരുന്നു അൽ മദീന ചെർപ്പുളശ്ശേരിയുടെ വിജയം. തുടക്കം മുതൽ അൽ മദീന ആധിപത്യം പുലർത്തുന്നത് കാണാൻ ആയി. ഒന്നിനു പിറകെ ഒന്നായി അവർ ഗോൾ നേടി. ഒരു ഘട്ടത്തിൽ മദീന 3-0ന് മുന്നിൽ ആയിരുന്നു. അവിടെ നിന്ന് ഒരാശ്വാസ ഗോൾ മാത്രം നേടാൻ എ വൈ സിക്ക് ആയി.
ഇന്നലെ പട്ടിക്കാട് സെവൻസിലും അൽ മദീന മൂന്ന് ഗോളുകൾ നേടിയിരുന്നു. വണ്ടൂരിൽ നാളെ എഫ് സി കൊണ്ടോട്ടിയും റോയൽ ട്രാവൽസ് കോഴിക്കോടും നേരിടും.
