ചങ്ങനാശേരി സെവൻസിൽ ആവേശകരമായ ഫൈനലിൽ ബേസ് പെരുമ്പാവൂരിനെ 2-0ന് തോൽപ്പിച്ച് ടൗൺ ടീം അരീക്കോട് ജേതാക്കളായി. ഇതോടെ ടൗൺ ടീം അരീക്കോട് സീസണിലെ ആദ്യ ട്രോഫി സ്വന്തമാക്കി. ഇതിനു മുമ്പ് ടൗൺ ടീം അരീക്കോട് ഒരു ഫൈനൽ കളിച്ചിരുന്നു എങ്കിലും അന്ന് അവർ വിജയിച്ചിരുന്നില്ല.
ബേസ് പെരുമ്പാവൂരാകട്ടെ ഈ സീസണിൽ കളിച്ച രണ്ട് ഫൈനലുകളിലും പരാജയം ഏറ്റുവാങ്ങി. ചങ്ങനാശേരി സെവൻസിൽ ഫൈനലിൽ എത്തും മുമ്പ് സെമി ഫൈനലിൽ ടൗൺ ടീം അരീക്കോട് എംജി മാവൂരിനെ 2-1 എന്ന സ്കോറിനും പരാജയപ്പെടുത്തിയിരുന്നു.
