റോയൽ ട്രാവൽസിനെ ബേസ് പെരുമ്പാവൂർ അട്ടിമറിച്ചു

ഇന്നലെ സെവൻസിൽ വമ്പന്മാർക്കൊക്കെ കാലിടറിയ ദിവസമായിരുന്നു. അതിൽ ഏറ്റവും വലിയ കാലിടറൽ നടന്നത് മണ്ണാർക്കാട് അഖിലേന്ത്യാ സെവൻസിലും. സീസണിൽ ഇതുവരെ ജയം കാണാത്ത ബേസ് പെരുമ്പാവൂർ വമ്പന്മാരായ റോയൽ ട്രാവൽസ് എഫ് സിയെ അട്ടിമറിച്ചു. ഒന്നിനെതിരെ രണ്ടു ഗോളുകൾക്കായിരുന്നു ബേസിന്റെ വിജയം. ഇതിന് മുമ്പ് സീസണിൽ കളിച്ച അഞ്ചു മത്സരങ്ങളിലും ബേസ് പരാജം രുചിച്ചിരുന്നു.

എടക്കര അഖിലേന്ത്യാ സെവൻസിൽ മുസാഫിർ എഫ് സി അൽ മദീന ചെർപ്പുള്ളശ്ശേരിയാണ് തോൽവി അറിഞ്ഞത്. സീസണിൽ മികച്ച ഫോമിലുള്ള ന്യൂകാസിൽ ലക്കി സോക്കർ ആലുവ ആണ് അൽ മദീനയെ തോൽപ്പിച്ചത്. എതിരില്ലാത്ത രണ്ടു ഗോളുകൾക്കായിരുന്നു ലക്കി സോക്കറിന്റെ ജയം.

ഇരിക്കൂർ അഖിലേന്ത്യാ സെവൻസിൽ ജവഹർ മാവൂർ ഇന്നലെ തകർപ്പൻ ജയം തന്നെ നേടി. ഫ്രണ്ട്സ് മമ്പാടിനെ നേരിട്ട ജവഹർ ഒന്നിനെതിരെ നാലു ഗോളുകളിന്റെ വമ്പൻ ജയം തന്നെ ഇന്നലെ നേടി.