ഇറ്റാലിയൻ സീരി എയിൽ തുടർച്ചയായ അഞ്ചാം മത്സരത്തിലും ജയം കണ്ടു ഇന്റർ മിലാൻ. എംമ്പോളിയെ അവരുടെ മൈതാനത്ത് എതിരില്ലാത്ത ഒരു ഗോളിന് ആണ് അവർ മറികടന്നത്. മത്സരത്തിൽ പന്ത് നന്നായി കൈവശം വെച്ച ഇന്റർ മിലാൻ ഫെഡറിക്കോ ഡിമാർകോയുടെ ഗോളിൽ ആണ് ജയം കണ്ടത്.
രണ്ടാം പകുതിയിൽ 51 മത്തെ മിനിറ്റിൽ ബോക്സിനു പുറത്ത് നിന്ന് മനോഹരമായ ഒരു വോളിയിലൂടെയാണ് ഡിമാർകോ ഇന്ററിന് ജയം സമ്മാനിച്ചത്. കളിച്ച 5 കളിയും ജയിച്ചു ഇന്റർ ഒന്നാമത് നിൽക്കുമ്പോൾ കളിച്ച അഞ്ചു കളിയിലും ഒരു ഗോൾ പോലും നേടാതെ തോറ്റ എംമ്പോളി അവസാന സ്ഥാനത്ത് ആണ്.
