പ്രതീക്ഷയായി യുവതാരങ്ങൾ, ഐമനും അസ്ഹറും റോഷനും കേരള ബ്ലാസ്റ്റേഴ്സ് സീനിയർ ടീമിനൊപ്പം

കേരള ബ്ലാസ്റ്റേഴ്സിനായി ഡൂറണ്ട് കപ്പിലും നെക്സ് ജെൻ കപ്പിലും ഗംഭീര പ്രകടനം കാഴ്ചവെച്ച മൂന്ന് യുവതാരങ്ങൾ സീനിയർ ടീമിലേക്ക്. ലക്ഷദ്വീപ് സ്വദേശികളായ മൊഹമ്മദ് ഐമനും മൊഹമ്മദ് അസ്ഹറും കേരളതാരമായ റോഷൻ ജിജിയും ആണ് സീനിയർ ടീമിനൊപ്പം പരിശീലനം ആരംഭിച്ചത്. ഇവർ സീനിയർ ടീമിനൊപ്പം പരിശീലനം നടത്തുന്ന ചിത്രങ്ങൾ കേരള ബ്ലാസ്റ്റേഴ്സ് ഇന്ന് പങ്കുവെച്ചു.

കേരള ബ്ലാസ്റ്റേഴ്സ്

ഐമനും അസ്ഹറും ഇരട്ട സഹോദരന്മാർ ആണ്. ഇരുവരും ആറാം ക്ലാസ് മുതൽ കേരള ബ്ലാസ്റ്റേഴ്സിന് ഒപ്പം ഉള്ളതാണ്. ഐമൻ ഈ കഴിഞ്ഞ ഡൂറണ്ട് കപ്പിൽ കേരള ബ്ലാസ്റ്റേഴ്സിന്റെ ടോപ് സ്കോറർ ആയിരുന്നു. ഐമൻ വിങ്ങിലും അറ്റാക്കിങ് മിഡിലും കളിക്കാൻ കഴിവുള്ള താരമാണ്. അസ്ഹർ മധ്യനിര താരമാണ്.

20220920 130613

റോഷൻ കേരള ബ്ലാസ്റ്റേഴ്സ് റിസേർവ്സ് നിരയിൽ വലിയ പ്രകടനങ്ങൾ നടത്തി നേരത്തെ തന്നെ ശ്രദ്ധ നേടിയിട്ടുണ്ട്. മുമ്പ് കേരളത്തിന്റെ സന്തോഷ് ട്രോഫി ക്യാമ്പിൽ ഉണ്ടായിരുന്നു. ഇന്ത്യയുടെ അണ്ടർ 17 ലോകകപ്പ് ടീമിന്റെ ക്യാമ്പിലും റോഷൻ ഉണ്ടായിരുന്നു.