പുതിയ സീസണ് ഒരുങ്ങുന്ന ലിവർപൂൾ തങ്ങളുടെ മധ്യനിര താരം നാബി കേറ്റ സീസൺ തുടക്കം മുതൽ ടീമിനൊപ്പം ഉണ്ടാകും എന്ന് അറിയിച്ചു. ഇപ്പോൾ ഗിനിയക്ക് ഒപ്പം ആഫ്രിക്കൻ നാഷൺസ് കപ്പ് കളിക്കുന്ന നാബി കേറ്റ പ്രീസീസണിൽ ലിവർപൂളിനൊപ്പം ഉണ്ടാകില്ല. കഴിഞ്ഞ സീസൺ അവസാനത്തിൽ പരിക്കേറ്റ നാബി കേറ്റയ്ക്ക് നിർണായക മത്സരങ്ങൾ നഷ്ടമായിരുന്നു.
മധ്യനിരയിൽ മികച്ച ഫോമിൽ കളിക്കുകയായിരുന്ന ഗിനിയ താരം നാബി കേറ്റ പ്രീമിയർ ലീഗിന്റെ അവസന ആഴ്ചകളിലും ചാമ്പ്യൻസ് ലീഗ് രണ്ടാം പാദ സെമിയിലും കളിച്ചിരുന്നില്ല. ആഫ്രിക്കൻ നാഷൺസ് കപ്പിൽ മഡഗാസ്കറിനെതിരായ മത്സരത്തിലാണ് കേറ്റ പരിക്കിൽ നിന്നുള്ള തന്റെ തിരിച്ചുവരവ് നടത്തൊയത്.
