പ്രീമിയർ ലീഗിൽ റെലെഗേഷൻ പോരാട്ടത്തിലുള്ള വെസ്റ്റ്ബ്രോമിനോട് സമനില വഴങ്ങി മാഞ്ചസ്റ്റർ സിറ്റി. സ്വന്തം ഗ്രൗണ്ടിൽ നടന്ന മത്സരത്തിൽ 1-1നാണ് മാഞ്ചസ്റ്റർ സിറ്റി സമനിലയിൽ കുടുങ്ങിയത്. തുടർച്ചയായ രണ്ടാം മത്സരത്തിലാണ് മാഞ്ചസ്റ്റർ സിറ്റി സമനിലയിൽ കുടുങ്ങുന്നത്. നേരത്തെ മാഞ്ചസ്റ്റർ ഡാർബിയിൽ മാഞ്ചസ്റ്റർ യൂണൈറ്റഡിനോടും സിറ്റി സമനില വഴങ്ങിയിരുന്നു.
ആദ്യ പകുതിയിലാണ് മത്സരത്തിലെ ഇരു ഗോളുകളും പിറന്നത്. മത്സരത്തിന്റെ 30ആം മിനുട്ടിൽ ഗുണ്ടോഗന്റെ ഗോളിലാണ് മാഞ്ചസ്റ്റർ സിറ്റി മുൻപിലെത്തിയത്. എന്നാൽ ആദ്യ പകുതി അവസാനിക്കുന്നതിന് മുൻപ് തന്നെ വെസ്റ്റ്ബ്രോം സമനില ഗോൾ നേടി.
റൂബൻ ഡിയാസിന്റെ സെൽഫ് ഗോളിലാണ് വെസ്റ്റ്ബ്രോ സിറ്റിക്കെതിരെ സമനില പിടിച്ചത്. തുടർന്ന് രണ്ടാം പകുതിയിൽ വിജയ ഗോൾ നേടാൻ സിറ്റി പരിശ്രമിച്ചെങ്കിലും വെസ്റ്റ്ബ്രോം പ്രതിരോധം പിടിച്ചുനിൽകുകയായിരുന്നു. വെസ്റ്റ്ബ്രോം ഗോൾ കീപ്പർ സാം ജോൺസ്റ്റോണിന്റെ മികച്ച പ്രകടനമാണ് അവർക്ക് തുണയായത്.
