മാഞ്ചസ്റ്റർ സിറ്റിയുടെ സൂപ്പർ തരാം കെവിൻ ഡിബ്രൂയ്നെ പ്രീമിയർ ലീഗിലെ ഈ സീസണിലെ മികച്ച താരം. ലിവർപൂൾ താതാരങ്ങളായ ജോർദാൻ ഹെൻഡേഴ്‌സൺ, സാഡിയോ മാനെ, ട്രെൻഡ് അലക്‌സാണ്ടർ അർണോൾഡ് സൗത്താംപ്ടൺ താരം ഇങ്സ് ലെസ്റ്റർ തരാം ജാമി വാർഡി എന്നിവരെ മറികടന്നാണ് മാഞ്ചസ്റ്റർ സിറ്റി പ്ലേയ്‌മേക്കറായ കെഡിബി ഈ അവാർഡ് സ്വന്തമാക്കിയിരിക്കുന്നത്.
Introducing your 2019/20 @EASPORTSFIFA Player of the Season…
✨ 𝙆𝙚𝙫𝙞𝙣 𝘿𝙚 𝘽𝙧𝙪𝙮𝙣𝙚 ✨#PLAwards pic.twitter.com/I2EJPUPLz8
— Premier League (@premierleague) August 16, 2020
മാഞ്ചസ്റ്റർ സിറ്റിക്ക് വേണ്ടി ഈ സീസണിൽ കാഴ്ചവെച്ച തകർപ്പൻ പ്രകടനമാണ് ഡിബ്രൂയ്നെയെ ഈ അവാർഡിനർഹനാക്കിയത്. ഈ സീസണിൽ പ്രീമിയർ ലീഗിൽ 13 ഗോളുകളും 20 അസിസ്റ്റുകളും സ്വന്തം പേരിലാക്കിയ ഡി ബ്രൂയ്നെ 33 ഗോളുകളിൽ ആണ് പങ്കാളിയായത്. 136 ഗോളവസരങ്ങൾ സീസണിലാകെ ഡിബ്രൂയ്നെ ഉണ്ടാക്കിയിരുന്നു. എന്നാൽ ഫുട്ബാൾ എഴുത്തുകാരുടെ മികച്ച കളിക്കാരനുള്ള പുരസ്‌കാരം ജോർദാൻ ഹെൻഡേഴ്‌സൺ ഡിബ്രൂയ്നെ പിന്തള്ളി സ്വന്തമാക്കിയിരുന്നു.
ഇന്നലെ നടന്ന ചാമ്പ്യൻസ് ലീഗ് ക്വാർട്ടർ ഫൈനൽ പോരാട്ടത്തിൽ മാഞ്ചസ്റ്റർ സിറ്റി ലിയോണിനോട് തോറ്റ് പുറത്തായിരുന്നു.
