കെയ്നിന് ആശ്വാസ ഗോൾ, സ്പർസിന് ജയം

തുടർച്ചയായ തോൽവികൾക്ക് ശേഷം ടോട്ടൻഹാമിന് പ്രീമിയർ ലീഗിൽ ആശ്വാസ ജയം. ബ്രയിട്ടൻ ഹോവ് ആൽബിയനെ 1-2 നാണ് അവർ മറികടന്നത്. ജയത്തോടെ 12 പോയിന്റുമായി സ്പർസ് അഞ്ചാം സ്ഥാനത്താണ്. 5 പോയിന്റുള്ള ബ്രയിട്ടൻ 13 ആം സ്ഥാനത്തും.

ടോട്ടൻഹാം ആക്രമണത്തെ ആദ്യപകുതിയുടെ മിക്ക സമയത്തും തടുത്ത ബ്രയിട്ടൻ നിർഭാഗ്യത്തിലാണ് ഗോൾ വഴങ്ങിയത്. ട്രിപ്പിയറിന്റെ പവർ ഷോട്ട് ഫ്രീ കിക്ക് മറി ബോക്സിൽ കൈകൊണ്ട് തടുത്തതിന് 42 ആം മിനുട്ടിൽ റഫറി സ്പർസിന് പെനാൽറ്റി വിധിച്ചു. കിക്കെടുത്ത കെയ്ൻ പിഴവ് കൂടാതെ പന്ത് വലയിലാക്കി.

രണ്ടാം പകുതിയിൽ സമനില ഗോളിനായി ബ്രയിട്ടൻ തുടർച്ചയായി ശ്രമിച്ചതോടെ സ്പർസ് പ്രതിരോധം പലപ്പോഴും പാളിയെങ്കിലും ബ്രയിട്ടന്റെ മോശം ഫിനിഷിങ് സ്പർസിന് രക്ഷയായി. 76 ആം മിനുട്ടിൽ ലമേലയിലൂടെ സ്പർസ് ജയം ഉറപ്പിച്ച രണ്ടാം ഗോൾ നേടി. ഇഞ്ചുറി ടൈമിന്റെ മൂന്നാം മിനുട്ടിൽ നോക്കാർട്ടിലൂടെ ബ്രയിട്ടൻ ഒരു ഗോൾ മടക്കിയപ്പോഴേക്ക് സമയം ഏറെ വൈകിയിരുന്നു.