ഈഡൻ ഹസാർഡ് ചെൽസി കുപ്പാഴത്തിൽ ഏറ്റവും മികച്ച പ്രകടനം നടത്തുമ്പോഴും ചെൽസിക്ക് ഇത്തവണ കിതപ്പ്. ഇന്നലെ വോൾവ്സിനെതിരെ നേടിയ ഗോളോടെ തന്റെ ചെൽസി കരിയറിലെ ഏറ്റവും മികച്ച ഗോൾ സംഭാവനയാണ് ഹസാർഡ് പൂർത്തീകരിച്ചത്. ഈ സീസണിൽ ഇതുവരെ താരം 13 ഗോളുകളും 11 അസിസ്റ്റുകളും നേടി. മുൻപ് 2014/2015 സീസണിൽ നേടിയ 14 ഗോളുകളും 9 അസിസ്റ്റുകളും എന്ന സ്വന്തം റെക്കോർഡാണ് ഹസാർഡ് മറികടന്നത്.
9 മത്സരങ്ങൾ ബാക്കി നിൽക്കേ ഹസാർഡ് തന്റെ സംഭാവന വർധിപ്പിക്കാൻ തന്നെയാണ് സാധ്യത. പക്ഷെ ചെൽസി ടോപ്പ് 4 നേട്ടം ഉറപ്പാകുമോ എന്നുറപ്പില്ല. ഹസാർഡിന്റെ മികവിനെ മാത്രം പലപ്പോഴും ആശ്രയിക്കുന്നു എന്ന പഴി കേൾക്കുന്ന ചെൽസിയിൽ മറ്റു താരങ്ങൾ മികച്ച പ്രകടനം നടത്തിയില്ലെങ്കിൽ അടുത്ത ചാമ്പ്യൻസ് ലീഗും കളിക്കാൻ നീല പട ഉണ്ടാവില്ല എന്നുറപ്പാണ്.
