മാഞ്ചസ്റ്റർ യുണൈറ്റഡ് താരം ഫകുണ്ടോ പെലിസ്ട്രി പരിശീലനം പുനരാരംഭിച്ചു പ്രീസീസൺ സമയത്ത് ഏറ്റ പരിക്ക് കാരണം ദീർഘകാലമായി താരം പുറത്തായിരുന്നു. പരിക്ക് കാരണം പെലസ്ട്രിക്ക് ഈ സീസണിൽ ലോണിൽ പോകാൻ ആയിരുന്നില്ല. ജനുവരി വരെ മാഞ്ചസ്റ്റർ യുണൈറ്റഡ് ടീമിനൊപ്പം താരം കാണും. അതു കഴിഞ്ഞ് ക്ലബ് താരത്തെ ലോണിൽ അയക്കും.
ഉറുഗ്വേ ഇന്റർനാഷണൽ കഴിഞ്ഞ സീസണിൽ ലാലിഗയിൽ അലാവസിനൊപ്പം ലോണിൽ കളിച്ചിരുന്നു. പ്രീസീസണിൽ നന്നായി കളിച്ച പെലിസ്ട്രി തായ്‌ലൻഡിൽ നടന്ന പ്രീസീസണിലെ ആദ്യ മത്സരത്തിൽ ലിവർപൂളിനെതിരെ ഗോൾ നേടിയിരുന്നു.
