ഓറഞ്ച് പട കുതിക്കുന്നു, വാൻ ഡൈകിന്റെ തലയ്ക്കു മുന്നിൽ ബെൽജിയം തോറ്റു

യുവേഫ നാഷൺസ് ലീഗിലെ തങ്ങളുടെ മികച്ച പ്രകടനം ഓറഞ്ച് പട ഇന്നും തുടർന്നു. ഗ്രൂപ്പിലെ ഒന്നാം സ്ഥാനം ഇതിനകം തന്നെ ഉറപ്പിച്ച നെതർലന്റ്സ് ഇന്ന് ബെൽജിയത്തെ എതിരില്ലാത്ത ഒരു ഗോളിന് പരാജയപ്പെടുത്തി. ലിവർപൂളിന്റെ സെന്റർ ബാക്കായ വാൻ ഡൈക് ആണ് ഒരു ഹെഡറിലൂടെ ഹോളണ്ടിന്റെ രക്ഷകനായത്‌.

ഓറഞ്ച് പട

മത്സരത്തിന്റെ 73ആം മിനുട്ടിൽ ആയിരുന്നു വാൻ ഡൈകിന്റെ ഗോൾ. പി എസ് വി യുവതാരം ഗാക്പൊ എടുത്ത കോർണർ ആണ് വാൻ ഡൈക് വലയിൽ എത്തിച്ചത്‌. ഈ വിജയത്തോടെ ഗ്രൂപ്പിൽ നെതർലാന്റ്സിന് 16 പോയിന്റ് ആയി‌. ഒരു മത്സരം പോലും അവർ പരാജയപ്പെട്ടിട്ടില്ല. ബെൽജിയം 10 പോയിന്റുമായി ഗ്രൂപ്പിലെ രണ്ടാമത് ഫിനിഷ് ചെയ്തു.