ലയണൽ മെസ്സിയുടെ ഇന്റർ മയാമി നീക്കത്തിൽ പ്രതികരണവും ആയി ബ്രസീലിയൻ താരവും മെസ്സിയുടെ മുൻ പി.എസ്.ജി, ബാഴ്‌സലോണ സഹതാരവും ആയ നെയ്മർ ജൂനിയർ. മെസ്സി തന്റെ ഏറ്റവും അടുത്ത സുഹൃത്തുക്കളിൽ ഒരാൾ ആണ് അതിനാൽ തന്നെ നേരത്തെ മെസ്സി ഇന്റർ മയാമിയിലേക്ക് പോകുന്നത് തനിക്ക് അറിയാമായിരുന്നു എന്നും ഇത് മെസ്സി തന്നോട് പറഞ്ഞിരുന്നു എന്നും നെയ്മർ പറഞ്ഞു. മയാമിയിൽ മെസ്സി സന്തോഷവാൻ ആയിരിക്കും എന്നും മയാമിയുടെ ജീവിതശൈലിയും മയാമിയിൽ ജീവിക്കുന്നതും കളിക്കുന്നതും സന്തോഷം നൽകും എന്നും താൻ മെസ്സിയോട് പറഞ്ഞത് ആയും നെയ്മർ കൂട്ടിച്ചേർത്തു.
മെസ്സി ഉറപ്പായും മേജർ ലീഗ് സോക്കറിൽ വലിയ മാറ്റം കൊണ്ടു വരും എന്ന് പറഞ്ഞ നെയ്മർ ലീഗ് ഇനി കൂടുതൽ ആളുകളിൽ എത്തും എന്നും പറഞ്ഞു. നിർഭാഗ്യവശാൽ ഒന്നും സ്ഥിരം അല്ലാത്തതിനാൽ തന്നെ എല്ലാവരും മെസ്സി കളിക്കേണ്ടത് ആസ്വദിക്കേണ്ടത് ഉണ്ടെന്നും അതിനാൽ തന്നെ എല്ലാവരും മെസ്സിയുടെ കളി കാണണം എന്നും നെയ്മർ കൂട്ടിച്ചേർത്തു. എന്നാൽ മെസ്സി പി.എസ്.ജി വിട്ടു പോയത് തനിക്ക് സങ്കടം നൽകിയ നിമിഷം തന്നെയാണ് എന്നും നെയ്മർ കൂട്ടിച്ചേർത്തു. നിലവിൽ മയാമിയിൽ അവധി ആഘോഷിക്കുന്ന നെയ്മർ എൻ.ബി.എ ഫൈനൽസ് മത്സരം കാണാനും ഉണ്ടായിരുന്നു. എം.എൽ.എസിൽ ഡേവിഡ് ബെക്കാമിന്റെ ടീമിൽ എത്തിയ മെസ്സിക്ക് അമേരിക്കയിൽ ഫുട്‌ബോളിന് വലിയ പിന്തുണ നേടി നൽകാൻ ആവും എന്നാണ് പ്രതീക്ഷ.
