ഇന്ത്യയിൽ ലീഗിൽ ടീമുകളുടെ എണ്ണം കുറവാണെങ്കിൽ അമേരിക്കയിൽ ടീം കൂടുന്നതാണ് പ്രശ്നം. അമേരിക്കയിലെ ലീഗായ മേജർ ലീഗ് സോക്കറാണ് വലുതാക്കാൻ അമേരിക്കൻ ഫുട്ബോൾ അസോസിയേഷൻ ആലോചിക്കുന്നത്. 2021 സീസൺ മുതൽ ലീഗിൽ 30 ടീമുകൾ ആക്കാനാണ് തീരുമാനിക്കുന്നത്. ഇതിനായുള്ള നടപടികൾ തുടങ്ങി.
ഇപ്പോൾ അമേരിക്കയിൽ 24 ടീമുകളാണ് ലീഗിൽ ഉള്ളത്. 12 ടീമുകൾ ഉള്ള രണ്ട് സോണുകളിലായാണ് ഇപ്പോൾ മത്സരം നടക്കുന്നത്. പ്രൊമോഷനോ റിലഗേഷനോ ഇല്ലാത്തതിനാൽ ഒരുപാട് വിമർശനങ്ങൾ നേരിടുന്ന എം എൽ എസ് ടീമുകളുടെ എണ്ണം കൂടെ വർധിപ്പിക്കുന്നതോടെ വലിയ പ്രതിസന്ധിയിൽ ആയേക്കും. ഇത്രയും ടീമുകൾ ഉണ്ടെങ്കിൽ സെക്കൻഡ് ഡിവിഷൻ തുടങ്ങി പ്രൊമോഷനും റിലഗേഷനും തുടങ്ങിക്കൂടെ എന്നാണ് ഫുട്ബോൾ പ്രേമികൾ അമേരിക്കയിൽ ചോദിക്കുന്നത്.
ഈ സീസണിൽ എഫ് സി സിൻസിനാറ്റി എന്ന ക്ലബ് പുതുതായി ലീഗിൽ എത്തിയിരുന്നു. ആഷ്വില്ലെ, ഇന്റർ മിയാമി എന്നീ ടീമുകൾ അടുത്ത സീസണിൽ പുതുതായി വരാനുമുണ്ട്.
