ഫ്രാൻസ് ദേശീയ ടീമിനെയും എംബപ്പെയെയും വംശീയമായി അധിക്ഷേപിച്ച് സംഘ്പരിവാർ സൈദ്ദാന്തികൻ ടി.ജി. മോഹൻദാസ്. ട്വിറ്റർ വഴി ആണ് സംസ്ഥാന ബി.ജെ.പി. ബൗദ്ധിക സെൽ മുൻ കൺവീനർ ടി.ജി. മോഹൻദാസ് വിവാദ പ്രസ്താവന നടത്തിയത്. എംബപ്പെയുടെയും ഫ്രാൻസ് ടീമിന്റെ തൊലി നിറം ചൂണ്ടിക്കാണിച്ചാണ് വളരെ മോശം പ്രസ്താവന ടി ജി മോഹൻദാസ് നടത്തിയത്.
ഫ്രഞ്ച്കാര് വെളുത്ത് തുടുത്ത സായ്പൻമാരായിരിക്കും എന്നാണ് ഞാൻ വിചാരിച്ചത്! ഇതിപ്പോ…
എന്നേക്കാൾ കറുത്ത പ്രേതങ്ങൾ!! ആ എംബാപ്പെയെ രാത്രിയിലെങ്ങാൻ വഴിയിൽ കണ്ടാൽ നമ്മള് ഞെട്ടി ഏഴ് ദിവസം പനി പിടിച്ചു കിടക്കും! ഹൊ! 👹— TG Mohandas (@mohandastg) December 19, 2022
“ഫ്രഞ്ച്കാര് വെളുത്ത് തുടുത്ത സായ്പൻമാരായിരിക്കും എന്നാണ് ഞാൻ വിചാരിച്ചത്! ഇതിപ്പോ…
എന്നേക്കാൾ കറുത്ത പ്രേതങ്ങൾ!! ആ എംബാപ്പെയെ രാത്രിയിലെങ്ങാൻ വഴിയിൽ കണ്ടാൽ നമ്മള് ഞെട്ടി ഏഴ് ദിവസം പനി പിടിച്ചു കിടക്കും! ഹൊ!” എന്നായിരുന്നു അദ്ദേഹത്തിന്റെ ട്വീറ്റ്.
മോഹൻദാസിന്റെ ട്വീറ്റിന് എതിരെ ഏറെ വിമർശനങ്ങൾ ഉയർന്നെങ്കിലും ട്വീറ്റ് പിൻവലിക്കാനോ സ്വയം തിരുത്താനോ അദ്ദേഹം തയ്യാറായിട്ടില്ല. ആ ട്വീറ്റിനെ ന്യായീകരിച്ചു കൊണ്ടുള്ള ട്വീറ്റുകൾ ആണ് അദ്ദേഹം പിറകെ വീണ്ടും പങ്കുവെച്ചത്.
ഇന്നലെ ലോകകപ്പ് ഫൈനലിൽ ഹാട്രിക്ക് നേടിക്കൊണ്ട് ഐതിഹാസിക പ്രകടനം നടത്തിയ താരമാണ് എംബപ്പെ.
