പാരിസിൽ എത്തിയതിന് ശേഷം പിഎസ്ജിക്ക് വേണ്ടി പകുതി മത്സരങ്ങളും കളിക്കാതെ നെയ്മർ

- Advertisement -

ഫുട്ബോളിലെ ട്രാൻസ്ഫർ റെക്കോർഡുകൾ കാറ്റിൽ പറത്തിയാണ് 2017ൽ ബാഴ്സലോണയിൽ നിന്നും പിഎസ്ജിയിലേക്ക് നെയ്മർ ജൂനിയർ എത്തിയത്. റെക്കോർഡ് തുകയായ 222 മില്ല്യൺ യൂറോ നൽകിയാണ് ബ്രസീലിയൻ സൂപ്പർ താരത്തെ ക്യാമ്പ് നൗവിൽ നിന്നും പാരിസിലേക്കെത്തിച്ചത്. എന്നാൽ പാരിസിലേക്ക് നെയ്മർ വന്നതിന് ശേഷം പിഎസ്ജി കളിച്ച മത്സരങ്ങളിൽ പകുതി എണ്ണത്തിൽ മാത്രമാണ് സൂപ്പർ താരം കളിച്ചത്. നെയ്മർ ഇല്ലാതെ‌യും നെയ്മറോടൊപ്പവും പിഎസ്ജി 63 മത്സരങ്ങൾ ആണു കളിച്ചത്.

നെയ്മറിനോടൊപ്പം പിഎസ്ജി 63 മത്സരങ്ങളിൽ 50 ജയവും 7 തോൽവിയും വഴങ്ങുകയും 198 ഗോളുകൾ അടിച്ച് കൂട്ടുകയും ചെയ്തു. എന്നാൽ നെയ്മർ ഇല്ലാത്ത പിഎസ്ജി 63 മത്സരങ്ങളിൽ 47 ജയവും 9 പരാജയവുമാണ് ഏറ്റുവാങ്ങിയത്. 154 ഗോളുകൾ മാത്രമാണ് നെയ്മർ ഇല്ലാത്ത പിഎസ്ജി അടിച്ച് കൂട്ടിയത്. പാരിസിലേക്കെത്തിയതിന് ശേഷം നെയ്മറിന്റെ കരിയറിൽ പരിക്ക് കരിനിഴൽ വീഴ്ത്തി. കോപ അമേരിക്ക ടൂർണമെന്റിൽ ബ്രസീലിന് വേണ്ടി പോലും കളിക്കാൻ നെയ്മറിനായിരുന്നില്ല. പിഎസ്ജിക്ക് വേണ്ടി സുപ്രധാന മത്സരങ്ങളും നെയ്മർ നഷ്ടമാക്കിയിരുന്നു.

Advertisement