പെനാൽട്ടി ഗോളുകൾ ഇല്ലാതെ 672 ഗോളുകൾ! മറ്റൊരു റെക്കോർഡ് സ്വന്തം പേരിലാക്കി ലയണൽ മെസ്സി

മറ്റൊരു ഫുട്‌ബോൾ റെക്കോർഡ് കൂടി സ്വന്തം പേരിലാക്കി ലയണൽ മെസ്സി. പെനാൽട്ടി ഗോളുകൾ ഇല്ലാതെ കരിയറിൽ 672 ഗോളുകൾ നേടിയ മെസ്സി ചരിത്രത്തിൽ പെനാൽട്ടി അല്ലാതെ ഏറ്റവും കൂടുതൽ ഗോളുകൾ നേടുന്ന ഫുട്‌ബോൾ താരമായി മാറി. 671 ഗോളുകൾ നേടിയ ക്രിസ്റ്റിയാനോ റൊണാൾഡോയുടെ റെക്കോർഡ് ആണ് മെസ്സി പഴയ കഥ ആക്കിയത്.

ലയണൽ മെസ്സി

റൊണാൾഡോയെക്കാൾ 150 തിൽ അധികം മത്സരം കുറച്ചു കളിച്ചിട്ടും മെസ്സി റെക്കോർഡ് തകർക്കുക ആയിരുന്നു. ഇന്ന് ലിയോണിനു എതിരെ എതിരാളികളെ വെട്ടി മാറി മുന്നേറിയ മെസ്സി നെയ്മറും ആയ കൊടുക്കൽ വാങ്ങലിന് ശേഷം ഉഗ്രൻ ഷോട്ടിലൂടെ ഗോൾ കണ്ടത്തുക ആയിരുന്നു. അവസാന നിമിഷങ്ങളിൽ മെസ്സിയുടെ മികച്ച ഒരു ഫ്രീകിക്ക് ബാറിൽ തട്ടി മടങ്ങിയെങ്കിലും പി.എസ്.ജി ലിയോണിനെ ഏകപക്ഷീയമായ ഒരു ഗോളിന് മറികടക്കുക ആയിരുന്നു.