Tag: Lyon

ഒളിമ്പിക് ലിയോൺ ഫ്രഞ്ച് ലീഗിൽ ഒന്നാം ഡിവിഷനിൽത്തന്നെ തുടരും. ഫ്രാൻസിൻ്റെ ഫുട്ബോൾ സാമ്പത്തിക നിരീക്ഷണ ഏജൻസിയായ DNCG-യുടെ അപ്പീൽ കമ്മിറ്റി, ക്ലബിനെ ലീഗ് 2-ലേക്ക് തരംതാഴ്ത്താനുള്ള മുൻ ഉത്തരവ് റദ്ദാക്കി. സാമ്പത്തിക ക്രമക്കേടുകൾ ചൂണ്ടിക്കാട്ടിയാണ് DNCG ലിയോണിനെ തരംതാഴ്ത്താൻ നേരത്തെ തീരുമാനിച്ചത്. എന്നാൽ, പാരീസിൽ ബുധനാഴ്ച നടന്ന വാദംകേൾക്കലിൽ ലിയോണിന്റെ പുതിയ നേതൃത്വം തങ്ങളുടെ വാദങ്ങൾ വിജയകരമായി അവതരിപ്പിക്കുകയായിരുന്നു.

ജോൺ ടെക്സ്റ്ററിന് പകരക്കാരിയായി അടുത്തിടെ ചുമതലയേറ്റ പ്രസിഡന്റ് മിഷേൽ കാങ്, സിഇഒ മൈക്കിൾ ഗെർലിംഗർ എന്നിവരാണ് ക്ലബിന്റെ അപ്പീലിന് നേതൃത്വം നൽകിയത്. പുതിയ ഉടമസ്ഥതയ്ക്ക് കീഴിൽ ലിയോണിന്റെ സാമ്പത്തിക മാനേജ്‌മെന്റും കാഴ്ചപ്പാടും ശക്തമായ അടിത്തറയിലാണെന്ന് കമ്മിറ്റിയെ ബോധ്യപ്പെടുത്താൻ ഇവർക്ക് കഴിഞ്ഞു.

ലിയോണിന് ലീഗ് 1 പദവിയും യുവേഫ യൂറോപ്പ ലീഗ് യോഗ്യതയും നിലനിർത്താൻ കഴിഞ്ഞെങ്കിലും, ക്ലബിന്റെ വേതന ബില്ലിനും ട്രാൻസ്ഫർ ചെലവുകൾക്കും DNCG നിയന്ത്രണങ്ങൾ ഏർപ്പെടുത്തിയിട്ടുണ്ട്. ഭാവിയിൽ കൂടുതൽ സാമ്പത്തിക അച്ചടക്കം ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ.

ഏഴ് തവണ ഫ്രഞ്ച് ചാമ്പ്യൻമാരായ ഒളിമ്പിക് ലിയോണിനെ ഫ്രഞ്ച് ഫുട്ബോളിന്റെ സാമ്പത്തിക നിരീക്ഷണ സമിതിയായ DNCG സാമ്പത്തിക ക്രമക്കേടുകൾ കാരണം ലീഗ് 2 ലേക്ക് തരംതാഴ്ത്തി. ക്രിസ്റ്റൽ പാലസിലെ ഓഹരി വിൽപ്പനയും നിരവധി കളിക്കാരെ കൈമാറിയതും ഉൾപ്പെടെ, അടുത്തിടെ ക്ലബ്ബ് ഫണ്ട് സ്വരൂപിക്കാൻ നടത്തിയ ശ്രമങ്ങൾക്കിടയിലും ഓഡിറ്റിന് ശേഷമാണ് ഈ തീരുമാനം.

കഴിഞ്ഞ സീസണിൽ ലീഗ് 1-ൽ ആറാം സ്ഥാനത്ത് ഫിനിഷ് ചെയ്യുകയും യൂറോപ്പ ലീഗ് സ്ഥാനം നേടുകയും ചെയ്ത ലിയോൺ, ഈ തീരുമാനത്തിനെതിരെ ഉടൻ തന്നെ അപ്പീൽ നൽകുമെന്ന് അറിയിച്ചു. ഈ തീരുമാനം “മനസ്സിലാക്കാൻ കഴിയാത്തതാണ്” എന്നും DNCG യുടെ സാമ്പത്തിക ആവശ്യകതകൾ ക്ലബ്ബ് പാലിച്ചിട്ടുണ്ടെന്നും അവർ വാദിച്ചു. ഈ തീരുമാനം നിലനിൽക്കുകയാണെങ്കിൽ, അടുത്ത സീസണിൽ ലീഗ് 1-ൽ റീംസ് ലിയോണിന് പകരമെത്തിയേക്കും.

നവംബറിൽ തന്നെ DNCG ലിയോണിനെ താൽക്കാലികമായി ലീഗ് 2 ലേക്ക് തരംതാഴ്ത്തിയിരുന്നു. അന്ന് ഏകദേശം 500 ദശലക്ഷം യൂറോയോളം (ഏകദേശം 581 ദശലക്ഷം ഡോളർ) കടമുണ്ടായിരുന്നതായി ക്ലബ്ബ് റിപ്പോർട്ട് ചെയ്തിരുന്നു. ഈ ജനുവരി ട്രാൻസ്ഫർ വിൻഡോയിൽ ഒരു ട്രാൻസ്ഫർ വിലക്കും ഏർപ്പെടുത്തിയിരുന്നു. പിന്നീട് സാമ്പത്തിക സ്ഥിതി മെച്ചപ്പെടുത്താനായി റെയൻ ചെർക്കി പോലുള്ള കളിക്കാരെ വിറ്റഴിക്കുകയും, ഉടമ ജോൺ ടെക്സ്റ്റർ ക്രിസ്റ്റൽ പാലസിലെ തന്റെ 42.9% ഓഹരി വിൽക്കുകയും ചെയ്തിരുന്നു. എന്നിട്ടും DNCG യെ തൃപ്തിപ്പെടുത്താൻ അവർക്ക് കഴിഞ്ഞില്ല.

യുവേഫ യൂറോപ്പ ലീഗാണ് 2024-25 സീസൺ സീസൺ സേവ് ചെയ്യാനുള്ള മാഞ്ചസ്റ്റർ യുണൈറ്റഡിൻ്റെ ഏക പ്രതീക്ഷ. അമോറിമിന്റെ ടീം ഇന്ന് യൂറോപ്പ ക്വാർട്ടർ ഫൈനലിന്റെ ആദ്യ പാദത്തിൽ ലിയോണിനെ നേരിടാൻ ഒരുങ്ങുകയാണ്. പ്രീമിയർ ലീഗ് സീസൺ തകർന്നടിഞ്ഞ യുണൈറ്റഡ് 13-ാം സ്ഥാനത്താണ്. യൂറോപ്പ ലീഗ് വിജയിക്കുന്നത് വെറും ഒരു കിരീടം നേടുക എന്നതിലുപരി അവർക്ക് ചാമ്പ്യൻസ് ലീഗ് യോഗ്യത നേടാനുള്ള ഏക വഴിയും കൂടിയാണ്.

അതേസമയം, ലിയോൺ പരിശീലകൻ പൗലോ ഫോൻസെക്കയുടെ കീഴിൽ മികച്ച ഫോമിലാണ് ഈ മത്സരത്തിൽ ഇറങ്ങുന്നത്. നവംബർ വരെ ലിഗ് 1 ടച്ച്‌ലൈൻ ഡ്യൂട്ടികളിൽ നിന്ന് വിലക്കപ്പെട്ടെങ്കിലും യൂറോപ്യൻ മത്സരങ്ങളിൽ അദ്ദേഹത്തിന് ടീമിനെ പരിശീലിപ്പിക്കാൻ അനുവാദമുണ്ട്. ലിഗ് 1 ൽ അഞ്ചാം സ്ഥാനത്തുള്ള അദ്ദേഹത്തിൻ്റെ ടീം അവസാന 10 മത്സരങ്ങളിൽ 8 എണ്ണം വിജയിച്ച് കുതിക്കുകയാണ്. ലില്ലെയ്ക്കെതിരെ ഗോൾ നേടിയ യുവതാരം റയാൻ ഷെർക്കി ലിയോണിൻ്റെ ആക്രമണത്തിന് നേതൃത്വം നൽകാൻ സാധ്യതയുണ്ട്.

ചാമ്പ്യൻസ് ലീഗ് യോഗ്യത ഇരു ക്ലബ്ബുകൾക്കും അത്യാവശ്യമായതിനാൽ, വ്യാഴാഴ്ച ലിയോണിൽ നടക്കുന്ന പോരാട്ടം ആവേശകരമായിരിക്കും.

ബ്രെസ്റ്റിനെതിരായ ലിയോണിൻ്റെ 2-1 ലിഗ് 1 വിജയത്തിനിടെ റഫറി ബെനോയിറ്റ് മില്ലറ്റുമായുള്ള രൂക്ഷമായ ഏറ്റുമുട്ടലിനെത്തുടർന്ന് ഒളിമ്പിക് ലിയോണൈസ് കോച്ച് പൗലോ ഫൊൻസെക്കയെ ഫ്രഞ്ച് പ്രൊഫഷണൽ ഫുട്ബോൾ ലീഗ് (FLP) ഒമ്പത് മാസത്തെ സസ്പെൻഷൻ വിധിച്ചു.

നവംബർ 30 വരെ ബെഞ്ച്, ഒഫീഷ്യൽസിൻ്റെ ഡ്രസ്സിംഗ് റൂമുകൾ, ഔദ്യോഗിക മാച്ച് സംബന്ധിയായ ചടങ്ങുകൾ എന്നിവയിൽ നിന്ന് ഫൊൻസെകയെ വിലക്കുമെന്ന് FLP ബുധനാഴ്ച പ്രഖ്യാപിച്ചു. ബ്രെസ്റ്റിന് അനുകൂലമായ പെനാൽറ്റി റിവ്യൂവിനു ശേഷമായിരുന്നു സംഭവം നടന്നത്. പോർച്ചുഗീസ് കോച്ചിന് ചുവപ്പ് കാർഡ് ലഭിച്ചിരുന്നു. അദ്ദേഹത്തെ ശാന്തനാക്കാൻ അന്ന് അവസാനം ലിയോൺ കളിക്കാർ വരെ ഇടപെടേണ്ടി വന്നു.

തൻ്റെ പ്രവൃത്തികൾക്ക് ഫോൺസെക്ക പിന്നീട് ക്ഷമാപണം നടത്തിയെങ്കിലും കടുത്ത തീരുമാനം തന്നെ അദ്ദേഹത്തിന് എതിരെ വന്നു. ലിയോൺ ഫോൻസെകയെ പുറത്താക്കാൻ സാധ്യത ഉണ്ടെന്നാണ് റിപ്പോർട്ടുകൾ.