ഇന്ന് ഇന്ത്യൻ സൂപ്പർ ലീഗിൽ മോഹൻ ബഗാനെ നേരിടുന്ന കേരള ബ്ലാസ്റ്റേഴ്സ് ആദ്യ പകുതി അവസാനിക്കുമ്പോൾ രണ്ടു ഗോളിന് പിറകിൽ നിൽക്കുന്നു. ഇന്ന് ആദ്യ പകുതിയിൽ മികച്ച അവസരങ്ങൾ സൃഷ്ടിച്ചിട്ടും ബ്ലാസ്റ്റേഴ്സ് താരങ്ങൾ മുതലാക്കാത്താത് തിരിച്ചടിയായി.
ഇന്ന് ആദ്യ മിനുട്ട് മുതൽ കേരള ബ്ലാസ്റ്റേഴ്സിന്റെ തുടർച്ചയായ അറ്റാക്ക് ആണ് കണ്ടത്. പക്ഷെ ഒരു അവസരം പോലും ലക്ഷ്യത്തിൽ എത്തിക്കാൻ ബ്ലാസ്റ്റേഴ്സിനായില്ല. കോറോ സിങും, അമാവിയയും പെപ്രയും എല്ലാം ഗോളിലേക്ക് ഷോട്ട് തൊടുത്തെങ്കിലും ഒന്നും വലയിൽ എത്തിയില്ല. സുഭാഷിഷ് ബോസിന്റെ മികച്ച ബ്ലോക്കുകളും വിശാൽ കെയ്തിന്റെ സേവും ബഗാനെ രക്ഷിച്ചു.
മത്സരത്തിൽ 28ആം മിനുറ്റിൽ ബഗാൻ അവരുടെ ആദ്യ അവസരത്തിൽ നിന്ന് തന്നെ ഗോളടിച്ച് ലീഡ് എടുത്തു. ലിസ്റ്റൺ സൃഷ്ടിച്ച അവസരം മക്ലരൻ വലയിൽ എത്തിക്കുക ആയിരുന്നു.
മത്സരത്തിന്റെ 40ആം മിനുറ്റിൽ വീണ്ടും മക്ലരൻ മോഹൻ ബഗാനായി ഗോൾ നേടി. ഇത്തവണ മനോഹരമായ ഒരു ഫ്ലിക്കിലൂടെ ആയിരുന്നു ഗോൾ. സ്കോർ 2-0.
