സൂപ്പർ ലീഗ് കേരളയിലെ യങ് പ്ലെയർ ജേതാവാറ്റ മുഹമ്മദ് അർഷാഫിന് നാട്ടിൽ സ്വീകരണം ഒരുക്കുന്നു. സൂപ്പർ ലീഗ് കേരള ക്ലബ്ബായ കാലിക്കറ്റ് എഫ് സിയെ ലീഗ് ജേതാക്കളാക്കുന്നതിലെ പ്രധാന പങ്കുവഹിച്ച താരം കൂടിയാണ് അർഷാഫ്. വേങ്ങര പറമ്പിൽപടി സ്വദേശി ആയ അർഷാഫ് കേരളത്തിനായി സന്തോഷ് ട്രോഫിയിലും തിളങ്ങിയിരുന്നു.
മുഹമ്മദ് അർഷാഫിന് വേങ്ങരയിൽ നാട്ടുകാർ നാളെ സ്വീകരണം നൽകും. നാളെ വൈകിട്ട് 6:30 ന് കൂരിയാട് നിന്നും പ്രയാണം ആരംഭിക്കും. വേങ്ങര ബസ് സ്റ്റാൻഡിൽ എത്തി തിരിച്ചു പറമ്പിൽപടിയിൽ സ്വീകരണയാത്ര സമാപനം കുറിക്കും.
