യുവ ഗോൾ കീപ്പർ ഗുർമീത് നോർത്ത് ഈസ്റ്റ് യുണൈറ്റഡ് വിട്ടു. താരം ഹൈദരബാദിന്റെ വലയാകും ഇനി കാക്കുക. ഹൈദരബാദ് ക്ലബുമായി രണ്ടു വർഷത്തെ കരാർ ഗുർമീത് ഒപ്പുവെച്ചു. കഴിഞ്ഞ സീസണിൽ നോർത്ത് ഈസ്റ്റിൽ 8 മത്സരങ്ങളോളം കളിക്കാൻ ഗുർമീതിനായിരുന്നു. താരം ഭേദപ്പെട്ട പ്രകടനം തന്നെ ക്ലബിനായി നടത്തുകയും ചെയ്തു.
21കാരനായ താരം കഴിഞ്ഞ രണ്ട് ഐ എസ് എൽ സീസണിലും നോർത്ത് ഈസ്റ്റിനൊപ്പം ഉണ്ടായിരുന്നു. 2019-20 സീസണിൽ കേരള ബ്ലാസ്റ്റേഴ്സിനെതിരെ കളിച്ചു കൊണ്ടായിരുന്നു ഗുർമീതിന്റെ ഐ എസ് എല്ലിലെ അരങ്ങേറ്റം.
