ബിദ്യാനന്ദ സിംഗ് എന്ന മണിപ്പൂർ യുവതാരത്തെ എ ടി കെ മോഹൻ ബഗാൻ സ്വന്തമാക്കി. അവസാന രണ്ട് സീസണിലും മുംബൈ സിറ്റിക്ക് ഒപ്പമായിരുന്നു ബിദ്യാനന്ദ സിംഗ് കളിച്ചിരുന്നത്. എന്നാൽ അവസാന സീസണിൽ ഒരു മത്സരം പോലും താരം കളിച്ചിരുന്നില്ല. 23കാരനായ താരം മുമ്പ് 2016-17 സീസണിൽ എ ടി കെയുടെ ജേഴ്സിയിൽ ആയിരുന്നു ഐ എസ് എല്ലിൽ അരങ്ങേറിയത്. ഈ ട്രാൻസ്ഫർ ബിദ്യാനന്ദയ്ക്ക് എ ടി കെയിലേക്ക് ഒരു തിരിച്ചുവരവാണ്.
We are delighted to announce that Bidyananda Singh is back in the City of Joy as he signs a one-year deal with the Green & Maroon! 💚❤️#ATKMohunBagan #JoyMohunBagan #IndianFootball #Mariners pic.twitter.com/v9cFsJz1M8
— ATK Mohun Bagan FC (@atkmohunbaganfc) July 12, 2021
ബെംഗളൂരു എഫ് സിക്ക് വേണ്ടിയും താരം മുമ്പ് കളിച്ചിട്ടുണ്ട്. ഡിഫൻസീവ് മിഡ്ഫീൽഡറായ താരം മുമ്പ് ഇന്ത്യൻ അണ്ടർ 19 ടീമിനു വേണ്ടി കളിച്ചിട്ടുണ്ട്. എ ഐ എഫ് എഫ് എലൈറ്റ് അക്കാദമിയിലൂടെ വളർന്നു വന്ന താരമാണ്. ഐ എസ് എല്ലിൽ ഇതുവരെ 16 മത്സരങ്ങൾ കളിച്ചിട്ടുള്ള താരം ഒരു ഗോളും ഒരു അസിസ്റ്റും സ്വന്തമാക്കിയിട്ടുണ്ട്.
