ഐ എസ് എല്ലിനായി ഒരുങ്ങുന്ന എ ടി കെ മോഹൻ ബഗാന്റെ പുതിയ ജേഴ്സി ക്ലബ് അവതരിപ്പിച്ചു. മോഹൻ ബഗാന്റെ ക്ലാസിക് നിറങ്ങളായ പച്ചയും മെറൂണും തന്നെയാണ് ജേഴ്സിയിൽ ഉപയോഗിച്ചിരിക്കുന്നത്. കഴിഞ്ഞ വർഷം മോഹൻ ബഗാൻ ഐ ലീഗിൽ അറിഞ്ഞ ജേഴ്സിയിൽ നിന്ന് കാര്യമായ മാറ്റങ്ങൾ പുതിയ ജേഴ്സിയിൽ ഇല്ല. നേരത്തെ ഐ എസ് എല്ലിന്റെ പരസ്യങ്ങളിൽ ചുവപ്പും പച്ചയും നിറത്തിലായിരുന്നു എ ടി കെ മോഹൻ ബഗാന്റെ ജേഴ്സികൾ ഉണ്ടായിരുന്നത്‌.
എന്നാൽ ചുവപ്പ് അല്ല മെറൂൺ ആണ് ബഗാന്റെ നിറം എന്ന് പറഞ്ഞ് വലിയ പ്രതിഷേധം മോഹൻ ബഗാൻ ആരാധകർ ഉയർത്തിയിരുന്നു. ഇതാണ് ജേഴ്സി ഡിസൈൻ മാറാൻ കാരണം. ക്ലബിന്റെ ലോഗോയ്ക്ക് ഒപ്പം എ ടി കെയുടെ കിരീടങ്ങൾ സൂചിപ്പിക്കുന്ന മൂന്ന് നക്ഷത്രങ്ങളും പുതിയ ജേഴ്സിയിൽ ഇല്ല. പകരം ചാമ്പ്യൻസ് എന്ന് എഴുതുക മാത്രമെ ചെയ്തിട്ടുള്ളൂ. ഇത് രണ്ട് ക്ലബുകളുടെയും കഴിഞ്ഞ വർഷത്തെ കിരീടങ്ങളെ ആണ് സൂചിപ്പിക്കുന്നത് എന്ന് ക്ലബ് പറഞ്ഞു.
Paying homage to the iconic Green and Maroon colours, we present to you the #ATKMohunBagan Primary Jersey for the 2020-21 season! 💚❤️#JoyMohunBagan #Mariners #IndianFootball pic.twitter.com/H8fHBvsokc
— ATK Mohun Bagan FC (@atkmohunbaganfc) November 12, 2020
