മുംബൈ സിറ്റിയുടെ യുവതാരം അപുയിയയെ (ലാലങ്മിയ റാൾട്ടെ) മോഹൻ ബഗാൻ സ്വന്തമാക്കി. ഈ സൈനിംഗ് ഇന്ന് മീഹൻ ബഗാൻ ഔദ്യോഗികമായി പ്രഖ്യാപിച്ചു. മുംബൈ സിറ്റിയിൽ താരത്തിന് ഉണ്ടായിരുന്ന റിലീസ് ക്ലോസ് നൽകിയാണ് മോഹൻ ബഗാൻ താരത്തെ സ്വന്തമാക്കുന്നത്. 23കാരനായ താരത്തെ വിട്ടുകൊടുക്കാൻ മുംബൈ സിറ്റിക്ക് താല്പര്യം ഉണ്ടായിരുന്നില്ല. എന്നാൽ താരം തന്നെ ആവശ്യപ്പെട്ടത് കൊണ്ട് മുംബൈ സിറ്റി റിലീസ് ക്ലോസ് വഴി താരത്തെ വിടാൻ സമ്മതിക്കുക ആയിരുന്നു.
അവസാന രണ്ടു വർഷമായി മുംബൈ സിറ്റിക്ക് ഒപ്പം അപുയിയ ഉണ്ട്. നോർത്ത് ഈസ്റ്റിൽ നിന്നായിരുന്നു താരം മുംബൈ സിറ്റിയിൽ എത്തിയത്. കഴിഞ്ഞ സീസണിൽ മധ്യനിര താരം 22 മത്സരങ്ങൾ ഐ എസ് എല്ലിൽ കളിച്ചിരുന്നു. ആകെ ഐ എസ് എല്ലിൽ 91 മത്സരങ്ങൾ കളിച്ച താരം 5 ഗോളുകളും 2 അസിസ്റ്റും നേടിയിട്ടുണ്ട്. ഇന്ത്യം ദേശീയ ടീമിന്റെയും ഭാവി ആയാണ് അപുയിയയെ കണക്കാക്കുന്നത്.
OFFICIAL! আমাদের APUIA! 💚♥️#MBSG #JoyMohunBagan #আমরাসবুজমেরুন #WelcomeApuia pic.twitter.com/dKeoIPOroC
— Mohun Bagan Super Giant (@mohunbagansg) June 25, 2024
എ ഐ എഫ് എഫ് എലൈറ്റ് അക്കാദമിയിലൂടെ വളർന്നു വന്ന താരമാണ്. മുമ്പ് ഇന്ത്യൻ ആരോസിനായും അപുയിയ കളിച്ചിട്ടുണ്ട്. ഐ എസ് എല്ലിലെ എമേർജിങ് പ്ലയർ പുരസ്കാരവും അപുയിയ മുമ്പ് സ്വന്തമാക്കിയിട്ടുണ്ട്.
