ഇഞ്ച്വറി ടൈം ഗോളിൽ ഡെൽഹിയെ വീഴ്ത്തി രാജസ്ഥാൻ യുണൈറ്റഡ്

ഐ ലീഗ് യോഗ്യത മത്സരങ്ങളുടെ ഫൈനൽ റൗണ്ടിലെ ഇന്ന് നടന്ന മത്സരത്തിൽ രാജസ്ഥാൻ യുണൈറ്റഡ് എഫ് സിക്ക് വിജയം. ഡെൽഹി എഫ് സിയെ ആണ് രാജസ്ഥാൻ പരാജയപ്പെടുത്തിയത്. ഇഞ്ച്വറി ടൈമിൽ പിറന്ന ഏക ഗോളിനാണ് ഇന്ന് രാജസ്ഥാൻ വിജയിച്ചത്. മത്സരം അവസാനിക്കാൻ 1 മിനുട്ട് മാത്രം ശേഷിക്കെ ആയിരുന്നു ഈ ഗോൾ. 92ആം മിനുട്ടിൽ അമൻ താപ ആണ് രാജസ്ഥാന് വേണ്ടി ഗോൾ നേടിയത്. ഇനി അടുത്ത മത്സരത്തിൽ ഒക്ടോബർ 20ന് കെങ്ക്രെ ഡെൽഹി എഫ് സിയെയും, മഹാരാജ് എഫ് സി രാജസ്ഥാൻ യുണൈറ്റഡിനനെയും നേരിടും.