ഐ ലീഗിൽ മുൻ ചാമ്പ്യന്മാരായ ചർച്ചിൽ ബ്രദേഴ്‌സിന്റെ വിജയ കുതിപ്പ് തുടരുന്നു. ഇന്ന് നടന്ന മത്സരത്തിൽ ഇന്ത്യൻ ആരോസിനെ ഒന്നിനെതിരെ രണ്ടു ഗോളുകൾക്ക് പരാജയപ്പെടുത്തിയാണ് ചർച്ചിൽ ബ്രദേഴ്‌സ് ലീഗിലെ തങ്ങളുടെ തുടർച്ചയായ അഞ്ചാം വിജയം സ്വന്തമാക്കിയത്.
സ്വന്തം ഗ്രൗണ്ട് ആയ തിലക് മൈദാനിൽ നടന്ന മത്സരത്തിൽ 22 ആം മിനിറ്റിൽ തന്നെ വില്ലിസ് പ്ലാസയിലൂടെ ചർച്ചിൽ മുന്നിൽ എത്തി. എന്നാൽ 38ആം മിനിറ്റിൽ ദീപക് തൻഗ്രി നേടിയ ഗോളിൽ ആരോസ് ഓപ്പമെത്തി. എന്നാൽ 45ആം മിനിറ്റിൽ വില്ലിസ് പ്ലാസ തന്നെ തന്റെ രണ്ടാം ഗോളും ടീമിന്റെ വിജയം ഉറപ്പിച്ച ഗോളും നേടി ഗോൾ പട്ടിക പൂർത്തിയാക്കി. 84ആം മിനിറ്റിൽ ലഭിച്ച സഞ്ജീവ് സ്റ്റാലിൻ പാഴാക്കിയതോടെ ചർച്ചിലിന്റെ ഒപ്പമെത്താനുള്ള അവസരം ആരോസ് പാഴാക്കി.
വിജയത്തോടെ 14 മത്സരങ്ങളിൽ നിന്നും 28 പോയിന്റുമായി ചർച്ചിൽ ലീഗിൽ രണ്ടാമതമാണ്. 30 പോയിന്റ് ഉള്ള ചെന്നൈ സിറ്റി എഫ്‌സി ആണ് ഒന്നാമതുള്ളത്.
