യുവത്വത്തിന്റെ കരുത്തിൽ ലോകകപ്പിനുള്ള യുഎസ്എ ടീം എത്തി

ഖത്തർ ലോകകപ്പിനുള്ള യുഎസ്എ ടീം പ്രഖ്യാപിച്ചു. യൂറോപ്പിലെ പ്രമുഖ ടീമുകൾക്ക് വേണ്ടി കളിക്കുന്ന താരങ്ങൾ എല്ലാം ഇടം പിടിച്ചപ്പോൾ യുവത്വം നിറഞ്ഞു നിൽക്കുന്ന ടീമിനെ തന്നെയാണ് കോച്ച് ഗ്രെഗ് ബെർഹാൾട്ടർ പ്രഖ്യാപിച്ചിരിക്കുന്നത്. ഇരുപത്തിയഞ്ചു വയസ് ആണ് ടീമിന്റെ ശരാശരി പ്രായം. 2018ലെ ലോകക്കപ്പ് ടീമിന് നഷ്ടമായിരുന്നു. 2014ലെ ലോകകപ്പ് ടീമിൽ ഉണ്ടായിരുന്ന പുലിസിക് മാത്രമാണ് ഇത്തവണയും ടീമിൽ ഉൾപ്പെട്ടിട്ടുള്ളത്.

20221110 160006

പുലിസിക്, ഡോർമുണ്ടിന്റെ ജിയോ റെയ്‌ന എന്നിവർ തന്നെ മുൻ നിരയുടെ കുന്തമുന. നോർവിച്ച് താരം ജോഷ് സെർജൻറ്, യുവന്റസ് താരം മക്കെന്നി, ലീഡ്സിന്റെ ടെയ്‌ലർ ആദംസ്, ബ്രെണ്ടൻ ആരോൻസൻ എന്നിവർ ടീമിൽ ഇടം പിടിച്ചിട്ടുണ്ട്. സെർജിനോ ഡെസ്റ്റ്, ടിം റീം, ആന്റണി റോബിൻസൻ (ഫുൽഹാം), യെഡ്ലിൻ (ഇന്റർ മയാമി) തുടങ്ങിയവരും ടീമിൽ ഉൾപ്പെട്ടു. ആഴ്‌സനൽ താരം മാറ്റ് ടെർണർ ആയിരിക്കും കീപ്പർ. ഡച്ച് ലീഗിൽ കളിക്കുന്ന റിക്കർഡോ പെപ്പിയാണ് പ്രതീക്ഷകൾക്ക് വിരുദ്ധമായി ടീമിൽ ഇടം പിടിക്കാതിരുന്ന ഒരു താരം.

20221110 155653