ഒരൊറ്റ ഹെഡറിൽ ടുണീഷ്യയെ വീഴ്ത്തി ഓസ്ട്രേലിയ

Picsart 22 11 26 17 29 58 187

ലോകകപ്പ് ഗ്രൂപ്പ് ഡിയിലെ രണ്ടാം റൗണ്ട് മത്സരത്തിൽ ടുണീഷ്യയെ തോൽപ്പിച്ച് കൊണ്ട് ഓസ്ട്രേലിയ അവരുടെ ആദ്യ വിജയം സ്വന്തമാക്കി. മത്സരത്തിന്റെ ആദ്യ പകുതിയിൽ മിച്ചൽ ഡ്യൂക് നേടിയ ഏക ഗോളിന്റെ ബലത്തിൽ 1-0 എന്ന സ്കോറിനാണ് ഓസ്ട്രേലിയ വിജയിച്ചത്.

Picsart 22 11 26 17 30 35 485

മത്സരം നന്നായി ആരംഭിച്ചത് ഓസ്ട്രേലിയ തന്നെ ആയിരുന്നു. 23ആം മിനുട്ടിൽ ഡ്യൂക് ആണ് ഓസ്ട്രേലിയയുടെ വിജയ ഗോളായി മാറിയ ഗോൾ നേടിയത്. ഇടതു വിങ്ങിൽ നിന്ന് വന്ന ഡിഫ്ലക്റ്റഡ് ക്രോസ് ഒരു ഫ്ലിക്ക് ഹെഡറിലൂടെ ഡൂക് വലയിൽ എത്തിക്കുക ആയിരുന്നു.

41ആം മിനുട്ടിൽ ഡ്രാഗറിന് ഒരു അവസരം കിട്ടി എങ്കിലും ടുണീഷ്യക്ക് സമനില നൽകാൻ അദ്ദേഹത്തിന് ആയില്ല. ആദ്യ പകുതിയുടെ അവസാന മ്സ്കാനിയും ഒരു അവസരം പാഴാക്കി.

Picsart 22 11 26 17 30 17 946

രണ്ടാം പകുതിയിൽ കൂടുതൽ അറ്റാക്കിലേക്ക് ടുണീഷ്യ തിരിഞ്ഞു. പക്ഷെ ഓസ്ട്രേലിയ ഡിഫൻസും ഗോൾകീപ്പർ റയാനും ടുണീഷ്യക്ക് തടസ്സമായി നിന്നു.

രണ്ട് മത്സരങ്ങൾ കഴിഞ്ഞപ്പോൾ ടുണീഷ്യക്ക് 1 പോയിന്റും ഓസ്ട്രേലിയക്ക് 3 പോയിന്റും ആണുള്ളത്.