പോർച്ചുഗൽ ലോകകപ്പിൽ നിന്ന് പുറത്താകാൻ കാരണം പരിശീലകൻ ഫെർണാണ്ടോ സാന്റോസ് ആണെന്ന് പോർച്ചുഗീസ് ഇതിഹാസ താരം ലൂയിസ് ഫിഗോ. ക്രിസ്റ്റ്യാനോ റൊണാൾഡോയെ ബെഞ്ചിൽ ഇരുത്താൻ ഉള്ള തീരുമാനത്തിന് ടീം കൊടുത്ത വിലയാണ് ഈ പരാജയം എന്നും അദ്ദേഹം പറഞ്ഞു.
റൊണാൾഡോയെ ബെഞ്ചിലിരുത്തി നിങ്ങൾക്ക് ഫുട്ബോൾ ലോകകപ്പ് നേടാനാവില്ല. നിങ്ങൾ സ്വിറ്റ്സർലൻഡിനെതിരെ വിജയിച്ചു. മികച്ച ഫലം തന്നെ. പക്ഷെ എല്ലാ മത്സരത്തിലും നിങ്ങൾക്ക് ഇത് പോലെ റൊണാൾഡോയെ ബെഞ്ചിൽ ഇരുത്തി ജയിക്കാൻ കഴിയില്ല. ഫിഗോ പറഞ്ഞു.
റൊണാൾഡോയെ ടീമിൽ നിന്ന് പുറത്താക്കിയത് തെറ്റായിപ്പോയി എന്നും ഈ പരാജയത്തിന് ഉത്തരവാദി ടീം മാനേജ്മെന്റും മാനേജറും ആണ് എന്നും ഫിഗോ പറഞ്ഞു.
