സെമി ഫൈനലിൽ ഇംഗ്ലണ്ടിനെ നേരിടാൻ ഇറങ്ങുന്ന ക്രൊയേഷ്യയ്ക്ക് ഹാരി കെയ്നെ തടയാൻ ആകുമെന്ന് ക്രൊയേഷ്യൻ പരിശീലകൻ ഡാലിച് പറഞ്ഞു. ഈ ലോകകപ്പിൽ ആറ് ഗോളുകളുമായി ഗോൾഡൻ ബൂട്ട് റേസിൽ ഒന്നാമതാണ് കെയ്ൻ ഇപ്പോൾ. പക്ഷെ കെയ്നിനെ തടയാൻ മാത്രം കരുത്തുള്ള ഡിഫൻസ് ക്രൊയേഷ്യക്ക് ഉണ്ടെന്ന് ഡെലിച് ഓർമ്മിപ്പിച്ചു.
“അർജന്റീനയുടെ മെസ്സിയെയും ഡെന്മാർക്കിന്റെ എറിക്സണെയും തടയാൻ ഈ ഡിഫൻസിന് പറ്റിയിട്ടുണ്ട്. അതു കൊണ്ട് കെയ്നിനെയും ക്രൊയേഷ്യ ഡിഫൻസിന് തടയാൻ ആവും” ഡെലിച് പറഞ്ഞു. ഇംഗ്ലണ്ടിനെ ഞങ്ങൾ പേടിക്കുന്നില്ല എന്നും നമ്മുടെ കരുത്തിലാണ് ടീമിന്റെ വിശ്വാസമെന്നും പരിശീലകൻ കൂട്ടിച്ചേർത്തു.
കെയ്നിനെക്കാൾ ഇംഗ്ലണ്ടിൽ ക്രൊയേഷ്യ കാണുന്ന ഭീഷണിൽ റഹീം സ്റ്റെർലിംഗ് ആണെന്നും ഡെലിച് പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
