ആഴ്സണലിനെ വീഴ്ത്തി ലിയോൺ എമിറേറ്റ്സ് കപ്പ് ജേതാക്കൾ
ഒരു ഗോളിന് പിന്നിൽ പോയ ശേഷം ശക്തമായി തിരിച്ചടിച്ച ലിയോണിന് മുന്നിൽ ആഴ്സണൽ വീണു. എമിറേറ്റ്സ് കപ്പിൽ 2-1 ന് ജയിച്ചാണ് ഫ്രഞ്ച് ടീം കപ്പ് സ്വന്തമാക്കിയത്. മൂസ ദമ്പലെ നേടിയ ഇരട്ട ഗോളുകളാണ് ലിയോണിന് ജയം സമ്മാനിച്ചത്. ഒബാമയാങിന്റെ വകയായിരുന്നു ആഴ്സണലിന്റെ ഏക ഗോൾ.
തുടക്കത്തിൽ തന്നെ ശക്തമായ തിരിച്ചടിയാണ് ആഴ്സണലിന് ലഭിച്ചത്. സ്ട്രൈക്കർ ലകസേറ്റ് പരിക്കേറ്റ് 13 ആം മിനുട്ടിൽ തന്നെ പുറത്തായി. പക്ഷെ 36 ആം മിനുട്ടിൽ ഒബാമയാങിന്റെ നല്ലൊരു വോളി ഗോളിൽ ആഴ്സണൽ ലീഡ് നേടി. പക്ഷെ ദമ്പലയുടെ ഹെഡർ മത്സരം സമനിലയിലാക്കി. ആഴ്സണലിനായി മാർട്ടിനെല്ലി ഗോൾ നേടിയെങ്കിലും റഫറി ഗോൾ അനുവധിച്ചില്ല. ഏറെ വൈകാതെ ദമ്പലെ ലിയോണിന്റെ വിജയ ഗോൾ നേടി.
രണ്ടാം പകുതിയിൽ റയൽ മാഡ്രിഡിൽ നിന്ന് ആഴ്സണലിൽ ലോണിൽ എത്തിയ സെബയോസ് ടീമിനായി അരങ്ങേറി.